3.4K
ტორტი, რომლის ერთი ნაჭრისთვის სტუმრები ჩემს სახლში ისე იკრიბებიან, როგორც ქინქლები შუქზე
მე მიყვარს ტორტი “მონასტრის ქოხი”. ის ყველანაირა მშვენიერია: შევსებაც რბილია და მომჟავო და მისი მომზადება მართლაც მარტივია. მაგრამ დღესასწაულისთვის, ასეთი ტორტი გამოიყურება უბრალოდ, თუმცა ძალიან გემრიელია. ამიტომ გადავწყვიტე გითხრათ, როგორ მზადდება ბისკვიტის ნამცხვარი არაჟნით და ალუბლით. მე ვიტყოდი, რომ ეს არის “მონასტრის ქოხის” სადღესასწაულო ვერსია.
ბისკვიტის ტორტი არაჟნის კრემით
ბისკვიტის ტორტი, ნაზი არაჟანი და ალუბალი ტკბილი ნამცხვრის ფენით – ეს ყველაფერი ერთ მშვენიერ ტორტში, რომელიც სამეფოს ჰგავს. ყველა ინგრედიენტი ხელმისაწვდომია და გატარებული დრო ანაზღაურდება იმ საოცარი სიამოვნებით, რასაც მიირთმევთ.
ინგრედიენტები ცომისთვის
9 კვერცხი
3 ს.კ. ფქვილი
10 გრ გამაფხვიერებელი
3 ს.კ. ორცხობილას ფხვნილი
8 ს.კ. მიწის თხილი
100 გრ მარგარინი
350 გრ ფქვილი
10 ს.კ. შაქარი
100 გრ არაჟანი
350 გრ ალუბალი
ინგრედიენტები კრემისთვის
200 გრ არაჟანი
200 მლ კრემი
150 გრ შაქარი
5 გრ ვანილის შაქარი
500 მლ რძე
1 კვერცხი
1 ს.კ. სიმინდის სახამებელი
დეკორაციის ინგრედიენტები
1 კივი
350 გრ ალუბალი
30 გრ შოკოლადი
მომზადება
ნამცხვარი მზადდება ორი სახის ცომისგან. პირველი, გააკეთეთ ბისკვიტი. ათქვიფეთ 8 კვერცხი 8 ს.კ. შაქარი. რაც უფრო დიდხანს ათქვეფთ, მით უფრო სქელი იქნება ბისკვიტი. დაამატეთ შაქარი რამდენიმე პორციად.
3 ს.კ. ფქვილი შეურიეთ 8 ს.კ. მიწის თხილს. შეგიძლიათ ნუშით ჩაანაცვლოთ ან ნიგვზით. დაამატეთ გამაფხვიერებელი და 3 ს.კ.პურის საფანელი. თანდათან შეურიეთ ათქვეფილი კვერცხი მშრალ ინგრედიენტებს.
ჩაასხით ცომი 26 სმ დიამეტრის ცხიმწასმულ საცხობ ფორმაში . აცხვეთ ბისკვიტი 180 გრადუსზე გახურებულ ღუმელში 30–35 წუთის განმავლობაში.
ამასობაში მოამზადეთ თქვენი ტკბილი ცომი. ათქვიფეთ 1 კვერცხი 2 ს.კ. შაქარი. დაამატეთ 100 გრ მარგარინი და 100 გრ არაჟანი, 350 გრ ფქვილი. მოზილეთ ელასტიური ცომი.
ცომი გაყავით რამოდენიმე ნაწილად და გააბრტყელეთ ზოლებად 5 სმ სიგანეზე, თითოეულ ზოლზე მოათავსეთ სიგრძეზე ალუბლები. შეგიძლიათ გაყინული ან დაკონსერვებული აიღოთ, მთავარია, რომ ალუბალი მშრალი, წვენის გარეშე იყოს.
გადაახვიეთ ზოლები ალუბლით ისე, რომ გააკეთოთ მილები. მილები სპირალურად დაახვიეთ 26 სმ დიამეტრის ფორმაში ისე, რომ შეივსოს, რადგან ეს არის ნამცხვრის მომავალი ფენა. გამოაცხვეთ ნამცხვრის რულეტები საცხობ ფირფიტაზე 180 გრადუსზე 25 წუთის განმავლობაში.
ათქვიფეთ კვერცხი შაქართან ერთად, დაუმატეთ სახამებელი და რძე. მოამზადეთ კრემი დაბალ ცეცხლზე.
ათქვიფეთ ნაღები შაქართან და ვანილის შაქართან, შემდეგ დაამატეთ გაცივებული კრემი და ათქვიფეთ ერთგვაროვანი მასის მიღებამდე.
გააკეთეთ ნამცხვრის შევსება. შეურიეთ 200 მლ ალუბლის წვენი და 1 ს.კ. სახამებელი და ურიეთ გასქელებამე.
გაცივებული ბისკვიტი ორ ნაწილად გაყავით. ნამცხვრებ წაუსვით კრემი, ერთ ბისკვიტს დაადეთ ალუბლიანი გამომცხვარი ფენა, ზემოდან კრემი და ბისკვიტი. შემდეგ გულუხვად წაუსვითთ ტორტს ზედაპირზე და გვერდებზე კრემი. მორთეთ ტორტი კივის ნაჭრებით და დარჩენილი ალუბლით. ზემოდან დაასხით ალუბლის წვენის შევსება და ტორტის გვერდებზე მიაყარეთ შოკოლადის ნაფხვენები.
ნამცხვარი შედგით მაცივარში 6-8 საათის განმავლობაში. მზადაა. თქვენს ნამუშევარს დააფასებს ყველა, ვინც დააგემოვნებს ამ მდიდრულ ტორტს.
