ეს კატლეტი საკმაოდ სასარგებლოა, ვინაიდან წიწიბურაზე მზადდება. წიწიბურა კი ცნობილია სასარგებლო თვისებებით. შეგახსენებთ ზოგიერთ მათგანს: აუმჯობესებს სისხლის მიმოქცევას, აძლიერებს იმუნურ სისტემას, ხელს უწყობს ორგანიზმიდან ჭარბი ქოლესტერინის, შლაკებისა და მძიმე ლითონების გამოდევნას.
დიეტოლოგები შაქრიანი დიაბეტით, ანემიით და ჭარბი წონით დაავადებულებს ურჩევენ მენიუში წიწიბურა ჩართონ.
დაგჭირდებათ:
5 ჩაის ჭიქა წიწიბურა
100 მილილიტრი ზეთი
5-6 თავი ხახვი
0,5 კილოგრამი კარტოფილი
1 კვერცხი
ტომატ პასტა
ქინძი და ოხრახუში თითო კონა
ხმელი დაფქული ქინძი, უცხო სუნელი, დაფქული ქონდარი თითო ჩაის კოვზი
ფარში 400-500 გრ.
მარილი, პილპილი, ნიორი გემოვნებით
მომზადება:
წიწიბურას დაასხით 10 ჩაის ჭიქა წყალი, ზეთი, 2 ჩაის კოვზი მარილი და მოხარშეთ. როცა წყალი მთლიანად დააშრება, გაატარეთ ხორცსაკეპ მანქანაში. გაატარეთ ასევე უმი კარტოფილი, ხორცი, მწვანილი.
მიღებული მასა შეანელეთ ხმელი სუნელებით, კვეცხით, პილპილით, მარილით (თუ აკლია). გააკეთეთ პატარ-პატარა გუნდები და ამოავლეთ საფანელში (გამოიყენეთ ან პურის ფქვილი, ან სიმინდის ფქვილი ან დაფქული ორცხობილა) და შეწვით წეთში ორივე მხრიდან. მოთუშეთ შემწვარი კატლეტები ტომატში.
