სა­ა­ხალ­წლო სუფ­რა მრა­ვალ­ფე­როვ­ნე­ბით გა­მო­ირ­ჩე­ვა, თუმ­ცა არის რამ­დე­ნი­მე ძი­რი­თა­დი კერ­ძი, რომ­ლე­ბიც ყვე­ლას სა­ა­ხალ­წლო მა­გი­და­ზე აუ­ცი­ლებ­ლად უნდა იყოს.

სა­ა­ხალ­წლო ტრა­დი­ცი­ის ნა­წი­ლად იქცა თითოეული მათგანი და უამ­რა­ვი ადა­მი­ა­ნის წარ­მოდ­გე­ნა­ში ახალ წელ­თან ასო­ცირ­დე­ბა.

გოზინაყი ცოტა რამ ასო­ცირ­დე­ბა ახალ წელ­თან ისე, რო­გორც გო­ზი­ნა­ყი. ქარ­თვე­ლი ხალ­ხის ძვე­ლი რწმე­ნა-წარ­მოდ­გე­ნით თაფ­ლი და ნი­გო­ზი წმინ­და საკ­ვე­ბად ით­ვლე­ბო­და და „ბა­ტო­ნებს“ სწი­რავ­დნენ. მისი მომ­ზა­დე­ბა, ერთი შე­ხედ­ვით, ძა­ლი­ან მარ­ტი­ვია, თუმ­ცა კარ­გი გო­ზი­ნა­ყი ად­ვი­ლი გა­სა­კე­თე­ბე­ლი ნამ­დვი­ლად არ არის. იდე­ა­ლუ­რად ით­ვლე­ბა ღია ფე­რის, მსხვრე­ვა­დი ნუგ­ბა­რი, რო­მელ­შიც ნი­გო­ზი თა­ნა­ბარ თხელ ფე­ნე­ბა­დაა დაჭ­რი­ლი.

სა­ცი­ვი და­სავ­ლეთ სა­ქარ­თვე­ლო­დან წა­მო­სუ­ლი კერ­ძია. მომ­ზა­დე­ბის მცი­რე ნი­უ­ან­სე­ბი გა­ნას­ხვა­ვებს ერ­თმა­ნე­თის­გან გუ­რი­ა­ში, სა­მეგ­რე­ლო­სა და იმე­რეთ­ში დამ­ზა­დე­ბულ სა­ცივს. თუმ­ცა რთუ­ლია კერძს რო­მე­ლი­მე კუ­თხის სა­ხე­ლი მი­ვა­ნი­ჭოთ მისი გავ­რცე­ლე­ბის ფარ­თო არე­ა­ლი­დან გა­მომ­დი­ნა­რე. არ­სე­ბობს ვერ­სი­აც, რომ ის ინ­დუ­რი წარ­მო­მავ­ლო­ბის საჭ­მე­ლია.

სა­ცი­ვის რე­ცეპ­ტი გვხდე­ბა ბარ­ბა­რე ჯორ­ჯა­ძის წიგნ­შიც, თუმ­ცა მი­სე­ულ რე­ცეპ­ტში თა­ნა­მედ­რო­ვეს­თან შე­და­რე­ბით ნაკ­ლე­ბი ნი­გო­ზი და ბევ­რი ძმა­რია.

იმე­რუ­ლი ხა­ჭა­პუ­რი ნე­ბის­მი­ე­რი სუფ­რის გა­ნუყ­რე­ლი კერ­ძია. ასეა ახალ წელ­საც. რთუ­ლია მო­ძებ­ნო სა­ა­ხალ­წლო სუფ­რა, რო­მელ­ზეც იმე­რუ­ლი ხა­ჭა­პუ­რი არ იქ­ნე­ბა. იდე­ა­ლუ­რი იმე­რუ­ლი ხა­ჭა­პუ­რის მომ­ზა­დე­ბის მთა­ვა­რი წესი ბევ­რი და მა­ღა­ლი ხა­რის­ხის იმე­რუ­ლი ყვე­ლია.

#drpkhakadze #pitskhelauri

გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi

ორაგული ცნობილია თავისი უნიკალური გემოთი, მდიდარი კვებითი ღირებულებითა და მრავალფეროვნებით, რაც მას იდეალურ ინგრედიენტად აქცევს ჯანსაღი და გემრიელი კერძების მოსამზადებლად. მწვანე სალათი ორაგულით ძალიან ჯანსაღი გადაწყვეტილებაა 

მწვანე სალათი ორაგულით ჯანსაღი საკვებია, ორაგული სავსეა ომეგა-3 ცხიმოვანი მჟავებით, ვიტამინებითა და მინერალებით, რომლებიც აუცილებელია ჩვენი ჯანმრთელობისთვის. ამ ბლოგის მთავარი თემა ნორვეგიული ორაგულია, ამ პროდუქტით ბევრი გემრიელი და ჯანსაღი კერძის მომზადებაა შესაძლებელი.

დღეს ბარბარობაა და საქართველოში, ალბათ, ყველა ოჯახში უცვლელი ტრადიციაა ლობიანის გამოცხობა.

ჩემს რაჭველ ბებიებს “ბარბალობის” სუფრაზე აუცილებლად ჰქონდათ ლობიანი და კვახი (გოგრის რაჭული ვერსია)… ჰოდა, ლობიანის გამოცხობაში სიამოვნებით ვეხმარებოდი ბებოებს – თავიდან ფეხებამდე ფქვილში ამოვლებული, ბედნიერი დავქროდი გახურებულ ღუმელსა და თოვლიან ეზოს შორის… გზად, ხარიხაზე გაკიდებულ ჩურჩხელას ჩამოვწყვეტდი და წამში გადავსანსლავდი… იქვე საახალწლოდ გადანახულ ხურმის ჩირჩს ავცანცლიდი და ლობიანისთვის ამოფუებულ ცომს თითს სიამოვნებით ჩავკრავდი

ლობიანის ცომს ჩემი ბებოები მარტივად ამზადებდნენ – პურისთვის განკუთვნილ ცომს იყენებდნენ (ფქვილი, მარილი, წყალი, საფუარი). მთავარი ლობიანის გულსართია, რომლის გემოსაც წლებია, თბილისში ვერსად მივაგენი და მინდა გავიხსენო და გაგიზიაროთ ნამდვილი რაჭული ლობიანის გულსართის გემოს საიდუმლო

კარგად მოხარშულ ლობიოს ხის “სატუკელით” კარგად ამოლესავდნენ ჩემი ბებოები, ცხელ-ცხელ ლობიოს მხოლოდ მარილსა და ღორის ქონს (უმჯობესი მუცლის ქონია) შეურევდნენ… არც ერთი სხვა ინგრედიენტი ნამდვილ რაჭულ ლობიანს არ სჭირდება… გულსართს ბლომად ჩაურთავდნენ ცომს და თხელკანიან პიწკინა ლობიანს ღუმელში შეაბრძანებდნენ…

#drpkhakadze #pitskhelauri

გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi

გოგრის მურაბა ძალიან გემრიელი და პიკანტური გემოა, რომლის გემოც ყველას გულს მოიგებს

გოგრის მურაბა რომ მოამზადოთ დაგჭირდებათ გოგრა, შაქარი და ფორთოხალი, თუმცა შესაძლებელია რეცეპტის კორექტირებაც. მაგალითად, ფორთოხლის ნაცვლად შეგიძლიათ გამოიყენოთ ლიმონი.

ეს ლიმონის ტირამისუ კლასიკური იტალიური დესერტის გამაგრილებელი ვერსიაა,

ლიმონის ტურამისუ აერთიანებს ლიმონით გაჯერებულ მასკარპონეს კრემისა და ლიმონის სიროფში გაჟღენთილი ორცხობილას (“სავოიარდი”) ფენებს.

შემადგენლობა, ლიმონის კრემისთვის:1/2 ჭიქა ახალი ლიმონის წვენი (დაახლოებით 2-3 ლიმონი) 1 სუფრის კოვზი ლიმონის ცედრა, 3/4 ჭიქა შაქარი, 3 დიდი კვერცხი, 1/2 ჭიქა უშაქრო კარაქი, დაჭრილი კუბებად.

ლიმონის სიროფისთვის: 1/2 ჭიქა ახალი ლიმონის წვენი, 1/4 ჭიქა წყალი, 1/4 ჭიქა შაქარი

მასკარპონეს კრემისთვის:1 ჭიქა მასკარპონეს ყველი, 1 ჭიქა სქელი ნაღები, 1/2 ჭიქა შაქარი, 1 ჩაის კოვზი ვანილის ექსტრაქტი,1 სუფრის კოვზი ლიმონის ცედრა.

ასაწყობად: 24 ცალი “სავოიარდი” 1/4 ჭიქა შაქარი, ახალი ლიმონის ნაჭრები და ცედრა, გასაფორმებლად.

მომზადების წესი: საშუალო ქვაბში შეურიეთ ლიმონის წვენი, ცედრა, შაქარი და კვერცხები.

მუდმივად ურიეთ საშუალო ცეცხლზე, სანამ მასა შესქელდება და კოვზის უკანა მხარეს არ აიკრავს (დაახლოებით 7-9 წუთი).

გადმოიღეთ ცეცხლიდან და დაამატეთ კარაქის კუბიკები, შემდეგ ურიეთ ერთგვაროვანი მასის მიღებამდე.

ლიმონის კორდი გადაიტანეთ ჯამში, გადააფარეთ პარკი (შეეხოს ზედაპირს, რათა არ წარმოიქმნას ქერქი) და შედგით მაცივარში გასაგრილებლად.

პატარა ქვაბში შეურიეთ ლიმონის წვენი, წყალი და შაქარი საშუალო ცეცხლზე.

ურიეთ, სანამ შაქარი მთლიანად არ დაიშლება, შემდეგ გადმოიღეთ ცეცხლიდან და გააცივეთ.

დიდ ჯამში ათქვიფეთ მასკარპონეს ყველი, ფხვიერი შაქარი და ვანილის ექსტრაქტი, სანამ ერთგვაროვანი კრემისებრი მასა არ მიიღება.

სხვა ჯამში ათქვიფეთ სქელი ნაღები, სანამ რბილი მასის ფორმას არ მიიღებს.

ფრთხილად შეურიეთ ათქვეფილი ნაღები მასკარპონეს ნარევს.

დაუმატეთ ლიმონის ცედრა სუფთა და მჟავე არომატისთვის.

სწრაფად ამოავლეთ “სავოიარდი” გაგრილებულ ლიმონის სიროფში (არ დატოვოთ დიდხანს).

ჩააწყვეთ გაჟღენთილი ორცხობილის ფენა საცხობი ფორმის ძირში.

თანაბრად გადაანაწილეთ მასკარპონეს კრემის ნახევარი ფენად.

მასკარპონეს კრემის თავზე უხვად დაადეთ ლიმონის კრემის ფენა.

გაიმეორეთ პროცესი მეორე ფენისთვის.

#drpkhakadze #pitskhelauri

გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi