ზოგჯერ და მითუმეტეს ზაფხულში არანაირი სურვილი არ გვაქვს ჩავრთოთ ღუმელი და გამოვაცხოთ გემრიელი დესერტი.
თუ განსაკუთრებული შემთხვევისთვის გჭირდებათ დესერტი, მაშინ ჟელეს ხილიანი ტორტი საუკეთესო არჩევანია, თან გამოცხობაც არ სჭირდება.
რეცეპტს ბავშვიც კი გაართმევს თავს ისეთი მაარტივია. ხილი სეზონის და სურვილის მიხედვით შეგიძლიათ გამოიყენოთ.
ცხელ დღეებში ცივი და მსუბუქი დესერტი პიდაპირ მისწრებაა.
ჟელეს ტორტი ხილით
შემადგენლობა
500 გრ არაჟანი (15% ცხიმიანი)
400 გ ხილი და კენკრა
1 ს/კ. შაქარი
3 ს/კ. ჟელატინი
ვანილი
250 მლ წყალი
მომზადება
ჭიქა წყალში ჩაყარეთ ჟელატინი და ოთახის ტემპერატურაზე 20-25 წუთი გააჩერეთ.
ჩაასხით ჭურჭელში და გააცხელეთ 70-80 გრადუსამდე ტემპერატურაზე. არ აადუღოთ. გადმოდგით და ოთახის ტემპერატურაზე გააციეთ.
არაჟანი შაქართან და ვანილთან ერთად ათქვიფეთ.
ხილი და კენკრა გარეცხეთ და გააშრეთ, კურკიანი ხილი გაანთავისუფლეთ კურკისგან და ყუნწებისგან. დაჭერით პატარა ნაჭრებად.
არაჟნის კრემს დაამატეთ გაციებული ჟელატინის მასა და აურიეთ.
შეიძლება კრემი თხელი მოგეჩვენოთ, მაგრამ არ ინერვიულოთ, ყველაფერი კარგად გაიყინება.
ცოტა ხილი შემოიტოვეთ ზემოდან მოსართავად, დანარჩენი აურიეთ კრემში ისე, რომ მთლიანად დაიფაროს ნაჭრები კრემით.
ჩაასხით ხილიანი ჟელე სასურველ ფორმაში, დააწყვეთ ზემოდან ხილის და კენკრის ნაჭრები.
მინიმუმ 3-4 საათით შედგით მაცივარში. შემდეგ შეგიძლიათ გადმოიღოთ ფორმიდან ტორტის თეფშზე.
ჟელე-არაჟნის ტორტი ხილით გამოდის გემრიელი და ჰაეროვანი. არაჟნის ჟელეს სიტკბო კარგად ერწყმება მჟავე ხილს.
ტორტი ცხობის გარეშე რთული პრობლემის მარტივი გადაწყვეტაა. დიდი ხანია მივხვდით, რომ გემრიელი დესერტი ზედმეტი ძალისხმევითაც შეიძლება გამოცხვეს. რატომ გავირთულოთ საქმე, თუ საოცარი დესერტი ღუმელის გარეშეც მზადდება.
