საქართველო ცნობილია გემრიელი სამზარეულოთი. აქ მოგზაურობისას შეამჩნევთ, რომ გემო და არომატი განსხვავდება. საქართველოს ყველა რეგიონს ტრადიციული კერძის საკუთარი ვარიანტი აქვს.
ქართული საჭმელი ნებისმიერი გემოვნების ადამიანისთვისაა მისაღები. არ აქვს იმას მნიშვნელობა ჭამთ თუ არა ხორცს, თქვენთვის სასურველ კერძს მაინც აარჩევთ. ვეგეტარიანელებსაც უამრავი გემრიელი ქართული კერძის გასინჯვა შეუძლიათ.
გთავაზობთ 10 აუცილებლად გასასინჯი ქართული კერძს, რომლის გემო არ დაგავიწყდებათ და ადვილად იპოვით ნებისმიერ ქართულ რესტორანში.
1. ხინკალი
პირველი მათგანი ხინკალია, რომელიც საქართველოს მთიან რეგიონში წარმოიშვა. ხინკალი გავს ცომის გუფთას, რომელშიც გვხვდება ხორცი, ყველი, კარტოფილი ან სოკო. ყველაზე გავრცელებული ვარიანტი ხორცით კეთდება. კარგ ხინკალს შიგნით უნდა ჰქონდეს წვენი. ხინკალს ჭამენ ხელით, პირველ რიგში პატარაზე უნდა მოკბიჩოთ ცომი და მოხვრიპოთ წვენი, შემდეგ კი შეჭამოთ. ხინკალს გემოვნების მიხედვით ამატებენ შავ პილპილს, ან ძმარს.
2. ხაჭაპური
ხაჭაპური ტრადიციული ქართული საჭმელია, რომელიც იდიალურია თან წასაღებად. ის სპეციალურად მომზადებული ცომისა და ყველისგან შედგება. ზოგი მას პიცასთან აკავშირებს, მაგრამ ხაჭაპურს არ აქვს დამატებითი ელემენტები და არც ისეთი კომპლექსურია, როგორც პიცა. ხაჭაპურის მრავალი სახეობა არსებობს.
3. ფხალი
ფხალი ქართული ტრადიციული კერძია. მისი ყველაზე გავრცელებული ვარიანტი კეთდება ისპანახისგან და ჭარხლისგან. ფხალი აუცილებლად გასასინჯი კერძების სიაშია ვეგეტარიანელებისთვის. ის ცივი აპეტაიზერია, შედგება დაკეპილი ბოსტნეულისგან, რომელიც შეზავებულია ნიგვზით, მწვანილით, ხახვითა და ნივრით.
4. საცივი
საცივი კიდევ ერთი ქართული ცივი კერძია, რომელიც უნდა გასინჯოთ. ესაა ნიგვზის სოუსი, რომელშიც შეიძლება იდოს ინდაური, ქათამი ან თევზი. საცივს ტრადიციულად საახალწლო სუფრაზე მიირთმევენ.
5. ელარჯი
ელარჯი სამეგრელოს რეგიონის მადისაღმძვრელი კერძია, რომელიც ჭკუიდან გადაგიყვანს. ის უხეშად დაფქული სიმინდის ფქვილისა და ყველისგან შედგება, რომლებიც ერთად იხარშება. ელარჯი საპატიო სტუმრისთვის მისართმევ კერძად ითვლებოდა.
6. ნიგვზიანი ბადრიჯანი
ნიგვზიანი ბადრიჯანი კიდევ ერთი ცივი აპეტაიზერია. ის ვეგეტარიანული საჭმელია და ხშირად ფხალთან ერთად მიართმევენ სუფრაზე. ნიგვზიანი ბადრიჯნის ხვეულა კეთდება შემწვარი ბადრიჯნისა და შეზავებული ნიგვზისგან, რომლებიც ერთადაა გადახვეული.
7. ჩაქაფული
ჩაქაფული კიდევ ერთი მადისაღმძვრელი ქართული კერძია, რომლის გემოსაც ვერ დაივიწყებთ. ის ტრადიციულად კეთდება ცხვრის ხორცისგან, ტარხუნისგან, ტყემლისგან, მშრალი თეთრი ღვინისგან, მწვანილებისა და ნივრისგან.
8. ჩიხირთმა
ჩიხირთმა გემრიელი ქართული წვნიანია, რომელიც ნაბახუსევის წამლად მიიჩნევა. მთავარი ინგრედიენტი არის ქათამი, ძმართან, კვერცხთან და ნიორთან ერთად.
9. ხარჩო
კერძი, რომლსაც ასევე ვერ დაივიწყებ ხარჩოა, ტრადიციული ქართული წვნიანი. მთავარი ინგრედიენტებით: ძროხის ხორცი, ბრინჯი და ტყემალი.
10. ლობიო ქოთანში
ბოლო, მაგრამ არანაკლებ გემრიელი არის ლობიო ქოთანში. ეს არის ვეგეტარიანული კერძი, რომელსაც ძირითადად მწნილთან ერთად მიირთმევენ.
წყარო
#drpkhakadze #gochadze #shenisupra
