ინტერიერის დიზაინერები ფლობენ საიდუმლო ხრიკებს სახლის გარდაქმნისთვის. ოდესმე დაფიქრებულხართ, როგორ შეუძლიათ იმის გაკეთება, რომ პატარა სივრცე მის ზომაზე ორჯერ უფრო მეტად გამოიყურებოდეს? ან როგორ შეუძლიათ მთლიანად შეცვალონ ოთახის ატმოსფერო მხოლოდ რამდენიმე ნიუანსით?

გაგიმხელთ დიზაინის ჭკვიანურ რჩევებს, რომლებსაც მარტივად გამოიყენებთ თქვენი სახლის გარდაქმნისთვის.

1. გამოიყენეთ შესაბამისი ფერი, რათა თქვენი ოთახი უფრო დიდი ჩანდეს

ოთახის კედლების ფერის არჩევისას არ უნდა გაითვალისწინოთ მხოლოდ თქვენი გემოვნება. ფერს აქვს მნიშვნელოვანი გავლენა, ამიტომ ასევე მნიშვნელოვანია სხვა ფაქტორების გათვალისწინებაც, როგორიცაა სივრცის ზომა. ინტერიერის დიზაინერები ასახელებენ რამდენიმე ფუნდამენტურ პრინციპს, როგორიცაა, მაგალითად, დეტალი, რომ მუქი ფერები ოთახს უფრო პატარას ხდის, ხოლო ღია ფერის კედლები სივრცეს ადიდებს…

გაითვალისწინეთ, ზოგიერთმა ფერმა შეიძლება გამოიწვიოს შფოთვა და ძილის პრობლემები, ხოლო სწორად შერჩეული ფერები შეიძლება იყოს ესთეტიკურად სასიამოვნო და თქვენი ჯანსაღი ფსიქიკური მდგომარეობის განმსაზღვრელი.

2. გამოიყენეთ დეკორატიული სარკეები თქვენი საცხოვრებელი ფართის გასანათებლად

სარკეების სტრატეგიული განლაგება პატარა სივრცეს უფრო დიდ ზომას სძენს. მოათავსეთ სარკეები ფანჯრების მოპირდაპირე მხარეს მყისიერი განათების დასამატებლად. დეკორატიული სარკეები ასევე შეიძლება გამოყენებულ იქნას კედლის ცარიელი სივრცის შესავსებად, ნახატებისა და სხვა ხელოვნების ნიმუშების ნაცვლად. ინტერიერის დიზაინერების უმეტესობა თანხმდება, რომ დიდი თუ პატარა სარკეები ანიჭებენ სინათლეს და დიდ განზომილებას თქვენს საცხოვრებელ სივრცეს.

3. გახადეთ ის კომფორტული

ბევრი რამ არის გასათვალისწინებელი სახლის დეკორაციისას. რა თქმა უნდა, გინდათ, რომ თქვენი სახლი ლამაზად გამოიყურებოდეს, მაგრამ არა – მუზეუმის მსგავსად. ამიტომ მთავარი პრიორიტეტი უნდა იყოს – გახდეს თქვენი სახლი “კომფორტული თავშესაფარი”. შექმენით მისაღები სივრცე, სადაც სასიამოვნო დროს გაატარებთ თქვენს ოჯახთან და მეგობრებთან ერთად.

4. გამოიყენეთ ის, რაც უკვე გაქვთ

ინტერიერის დიზაინერებს უყვართ ხელახლა გამოყენება, რაც უკვე გაქვთ. ეს ხელს უწყობს მათი პროექტის ბიუჯეტის შემცირებას და ისიც უნდა გავაცნობიეროთ, თუ რაოდენ მნიშვნელოვანია, შემცირდეს ნარჩენი მასალა მსოფლიოში ეკოლოგიური სისუფთავის კონტექსტში.

მაგალითად:
ხის, ლითონის ან ვერცხლის უჯრები შეიძლება განთავსდეს თაროებზე, ჩაის მაგიდებსა თუ ჩემოდნებზე, საწოლისა და ყავის მაგიდებზე დამატებითი ტექსტურის და განზომილების მისაღებად. დაალაგეთ მათზე სანთლები, ზემოდან ჩარჩოები ან წიგნები დააწყვეთ.

ამ ყველაფრით დაზოგავთ დიდ ფულს და ამავდროულად, თქვენს სივრცეს უფრო პირადულს/ინფივიდუალურს გახდით. თქვენი სახლი იქნება იმის ანარეკლი, თუ ვინ ხართ და რა გიყვართ… ინტერიერის დიზაინერებისთვის ეს ერთ-ერთი მთავარი პრიორიტეტია.

5. აქცენტი კედელზე

გახსოვდეთ, ბალანსი ყოველთვის მთავარია. თუ გსურთ თამამი ცვლილების შეტანა, ნუ გააკეთებთ რაიმე რადიკალურს, უბრალოდ, გადადგით მცირე ნაბიჯები. მაგალითად, თუ გსურთ თქვენი კედლების მოხატვა, სცადეთ ერთაქცენტიანი კედელი დახატოთ მთელი კედლის ნაცვლად.

ძლიერი ნიმუშები შეიძლება იყოს ამაღელვებელი, მაგრამ დიდი რაოდენობით. გადატვირთეთ ერთი კედელი, სხვები კი დატოვეთ სადად, რათა თქვენი სახლის დეკორმა „ისუნთქოს“ და გამოიყურებოდეს დაბალანსებულად.

6. გამოიყენეთ დეკორატიული ბალიშები და ფარდაგები

თქვენი სახლის დეკორაციის გარდაქმნის მარტივი გზა შეიძლება სწორი აქსესუარების გამოყენებაც იყოს. დეკორატიული ბალიშები და ხალიჩები, როგორც სახლის აქსესუარები, მარტივი და იაფი გზაა თქვენი დეკორაციის გარდაქმნისთვის…
ასე რომ, თუ სახლის შეცვლას აპირებთ, დაიწყეთ ელეგანტური დეკორატიული ბალიშებისა და ხალიჩების მოძიებით, რომლებიც მიჰყვება ნებისმიერ ტენდენციას.

7. გამოიყენეთ მცენარეები

ბუნებაში დროის გატარება დაკავშირებულია სტრესის დონის შემცირებასთან და დაძაბულობის განმუხტვასთან. თუ არ შეგიძლიათ ისე ხშირად იყოთ გარეთ, როგორც გინდათ, მაშინ შემოიტანეთ ბუნება თქვენს სახლებში. მცენარეები არის იაფი საშუალება თქვენი სივრცის გასაფორმებლად და ფერისა და ტექსტურის დასამატებლად.
მცენარეები არა მხოლოდ ლამაზია, არამედ აუმჯობესებს ჰაერის ხარისხს და აბალანსებს ტენიანობას, შთანთქავს დამაბინძურებლებს და აშორებს ჰაერიდან მავნე აირებს.

8. გააფართოვეთ თქვენი წიგნის კარადა ან კედელი

ინტერიერის დიზაინერები გიჟდებიან თქვენს სახლში შპალერის იმგვარად გამოყენებაზე, რომ თქვენს სივრცეს მძაფრი, გრაფიკული ატმოსფერო შესძინონ. მას შეუძლია მყისიერად გარდაქმნას თქვენი მისაღები ან საძინებელი, ხოლო თქვენს სახლს ინდივიდუალიზმი შესძინოს.

წიგნის კარადები იდეალური ადგილია დასაწყებად, რადგან არ გჭირდებათ დიდი რაოდენობით ფონის გამოყენება. წიგნების კარადების გარდა, შეგიძლიათ სცადოთ ბუხრები, ან კარადები.

9. აურიეთ!

ინტერიერის დიზაინერებისთვის, სივრცის გაფორმებისას ყველაზე სახალისოა დიზაინის სხვადასხვა სტილის შერევა. წარმოიდგინეთ, აიღეთ თქვენი ბაბუის ანტიკვარული მაგიდა და აურიეთ რამდენიმე თანამედროვე ნივთთან… ნახავთ, როგორ ლამაზად თანაარსებობენ ისინი ერთად…

ანალოგიურად, შეგიძლიათ შეურიოთ ტექსტურები და ქსოვილები…

10. დაამატეთ რაიმე ორიგინალური

ინტერიერის დიზაინერები მიიჩნევენ, რომ ყველას უნდა ჰქონდეს განსაკუთრებული დეტალი სახლში – ავეჯი, ტექსტილი, დეკორი… – რაღაც, რაც აყალიბებს განწყობას… რაც გაგრძნობინებთ თავს ისე, როგორც საკუთარ სახლში, როცა მას უყურებთ. როცა გრძნობთ, რომ ის რაღაც ღრმად არის დაკავშირებული იმასთან, ვინც ხარ.

ეს შეიძლება იყოს მაგიდა, გარდერობი, კომოდი, ხელოვნების ნიმუში, დუტის საფარი ან ნებისმიერი სხვა დეკორატიული ნივთი. სანამ ის შენთვის რაღაცას ნიშნავს, საგანს მნიშვნელობა არ აქვს.

წყარო

#gochadze #drpkhakadze #sheniambebi #sheniinterieri

არქიტექტურულ ნაგებობებს, მნიშვნელობა არ აქვს, პატარა აგარაკია ეს, გრანდიოზული ხიდი თუ ფანტასტიკური აეროპორტი, უზარმაზარი გავლენა აქვს საზოგადოების განვითარებაზე, ბიზნესის აყვავებაზე და, რა თქმა უნდა, ადამიანების ცხოვრებაზე. მიუხედავად იმისა, რომ პლანეტაზე ათიათასობით არქიტექტორია, მხოლოდ რამდენიმემ შეძლო, შეექმნა უნიკალური შედევრები, რომლებიც დამთვალიერებლებს აიძულებს, აღფრთოვანდეს, გაოცდეს და დაფიქრდეს.

ანტონიო გაუდი (1852-1926)

დედამიწაზე, ალბათ, ძნელად თუ მოიძებნება ცივილიზებული ადამიანი, რომელსაც არაფერი სმენია ამ კატალონიელი ხუროთმოძღვრის შესახებ, რომლის შექმნილი არქიტექტურული ძეგლები მნახველს აღარფოვანებს. ანტონიო გაუდის მიერ შექმნილმა ნაგებობებმა შეცვალა ბარსელონა. აღსანიშნავია, რომ გაუდის მიერ შექმნილი 17 ცნობილი და გრანდიოზული პროექტიდან წარმატებით განხორციელდა 7 და ეს არქიტექტურული ძეგლები იუნესკომ მსოფლიოს მემკვიდრეობის ნუსხაში შეიტანა. სპეციალისტები დღესაც კამათობენ, რომელი სტილის მიხედვით ქმნიდა დიდი ხუროთმოძღვარი, თუმცა მისი შედევრების კლასიფიკაცია შეუძლებელია. თეორიულად ეს არის მოდერნი, რომელშიც ოსტატურადაა შერწყმული სხვადასხვა მიმდინარეობის ელემენტები, თანაც ისეა გადამუშავებული და შეცვლილი, რომ მსგავს ნაგებობებს ამჟამად “გაუდის სტილში” შესრულებულს უწოდებენ. მრუდე ზედაპირები, ფანტასტიკური ფორმები საოცრადაა გადმოცემული მის გენიალურ ქმნილებებში _ გუელის მარნებში, ბალიოს სახლში, მილას სახლში და, რა თქმა უნდა, წმინდა ოჯახის ტაძარში.

ფრენკ გერი (1929)

ფრენკ გერის გაბედულ, “თავხედ” და შოკისმომგვრელ არქიტექტორს უწოდებენ. მისი პროექტები ხასიათდება ზოგჯერ უხეში და მოულოდნელი ტეხილი ზედაპირებით. მისი ყველა ქმნილება განსხვავებულია და არქიტექტურის არც ერთი სტილის ნამუშევრებს არ ჰგავს. სწორედ სტილმა მოუტანა გერის საერთაშორისო აღიარება. ის 1989 წელს დააჯილდოვეს პრიტცკერის პრემიით (ყოველწლიური ჯილდო არქიტექტურის სფეროში). ფრენკ გერის (ნამდვილი სახელი _ ეფრაიმ ოუენ გოლდბერგი) ყველაზე ცნობილი პროექტები, რომლებიც ტურისტებს იზიდავს: გუგენჰაიმის მუზეუმი ბილბაოში; უოლტ დისნეის სახელობის საკონცერტო დარბაზი ლოს-ანჯელესში, მუსიკის მუზეუმი სიეტლში და სხვ.

ეერო საარინენი (1910-1961 წწ.)

ეერო საარინენი XX საუკუნის სახელგანთქმული ავეჯის დიზაინერი და არქიტექტორია. საარინენის ქმნილებები ადამიანებს აცვიფრებს და აღაფრთოვანებს, რადგან მისი ინტერესები ისეთი მრავალფეროვანი იყო, რომ გაკვირვებას ვერ დამალავთ, როგორ შეძლო ეს ერთმა ადამიანმა. საარინენმა კაცობრიობას დაუტოვა არა მხოლოდ შესანიშნავი ფორმების სავარძლები და სკამები, არამედ მემორიალური კომპლექსი თაღი სენტ-ლუისში, ცათამბჯენი რადიომაუწყებელი კომპანია CBS-ისთვის, იელის უნივერსიტეტის ჰოკეის მოედანი, ტერმინალ Trans World Airlines-ი ნიუ-იორკში და სხვ.

ფრენკ ლოიდ რაიტი (1867-1959)

ფრენკ ლოიდ რაიტის სახელი ოქროს ასოებით ჩაიწერა მსოფლიოს არქიტექტურის ისტორიაში. რაიტმა თავისი შემოქმედებით დიდი წვლილი შეიტანა თანამედროვე არქიტექტურის ჩამოყალიბებაში. მისი ქმნილებები ჰარმონიულად ერწყმის გარემომცველ ბუნებას. რაიტის პროექტებიდან აღსანიშნავია სახლი ჩანჩქერის თავზე, Roby Hosy, კომპლექსი “ტალიესინი”, იამამურას სახლი, კომპანია Jonson Wax-ის ოფისი, სოლომონ გუგენჰაიმის მუზეუმი მანჰეტენზე და სხვ.

რენცო პიანო (1937 წ.)

პოპულალური იტალიელი არქიტექტორი, რომელიც არქიტექტურაში high-tech-ის სტილის დამფუძნებლად ითვლება. რენცო არა მხოლოდ აპროექტებს და ქმნის, არამედ მონაწილეობს ისტორიული ღირსშესანიშნაობების რესტავრაციაში. არქიტექტურის, ხელოვნებისა და ფილოსოფიის სფეროებში უამრავი ჯილდოს, პრემიისა და ორდენის მფლობელისთვის ყველაზე პრესტიჟულია სამეფო ოქროს მედალი, დიდი ჯვარი ორდენისა იტალიის რესპუბლიკის წინაშე დამსახურებისთვის, არის საიმპერატორო და პრიტცკერის პრემიების, აგრეთვე, ერაზმის პრემიის ლაურეატი. მისი ყველაზე ცნობილი ნამუშევრებია: კალიფორნიის აკადემიის შენობა; ნუმეაში ჟან-მარი ტჟიბაუს კულტურის ცენტრი, პაულ კლეის ცენტრი ბერნში; ნიუ-იორკ თაიმს ბილდინგი: ნემოს მუზეუმი ნიდერლანდებში და სხვ.

რიჩარდ როჯერსი (1953)

ეს სახელგანთქმული ბრიტანელი არქიტექტორი თანამედროვე სტილის _ high-tech-ის ერთ-ერთი დამფუძნებელია. ის მთავარი მხარდამჭერია არქიტექტურული მოძრაობისა, რომელიც ცნობილია სახელწოდებით “მოწინავე ტექნოლოგიები და სტრუქტურული ექსპრესიონიზმი”. როჯერს 2000 წელს მიანიჭეს საიმპერატორო პრემია, ხოლო 2007 წელს _ პრესტიჟული პრიტცკერის პრემია. რიჩარდ როჯერსის ცნობილი ქმნილებებია: მადრიდის აეროპორტ ბარახასის მე-4 ტერმინალი, სადაზღვევო კომპანია ლოიდის შტაბ-ბინა ლონდონში, მილენიუმის სახლი გრინვიჩში, მსოფლიო სავაჭრო ცენტრის აღდგენის პროექტი ნიუ-იორკში და სხვ.

ზაჰა ჰადიდი (1950-2016 წ.წ.)

არაბული წარმოშობის ერაყელ-ბრიტანელი ზაჰა ჰადიდი იყო შესანიშნავი ქალი-არქიტექტორი, რომელსაც “ფორმების დედოფალს” უწოდებდნენ. ჰაზა ჰადიდი თავის ქმნილებებს ჰარმონიულ ფორმას აძლევდა. ჰადიდის ფუტურისტული სტრუქტურები ცვლის ფუნდამენტურ წარმოდგენას დიზაინსა და გეომეტრიაზე. ის პირველი ქალია, რომელიც დააჯილდოვეს პრიტცკერის პრემიით, აგრეთვე, არის საიმპერატორო და ჯეინ დრიუს პრემიების ლაურეატიც. მისი ყველაზე ცნობილი ქმნილებებია: ჰეიდარ ალიევის სახელობის ცენტრი ბაქოში, სპორტის საწყლოსნო სახეობების ცენტრი ლონდონში, ტრანსპორტის მუზეუმი გლაზგოში, XXI საუკუნის ეროვნული მუზეუმი რომში, საოპერო თეატრი გუნჯოუში და სხვ.
წყარო

#gochadze #drpkhakadze #sheniambebi #sheniinterieri

დაიწყეთ ახლავე და ისიამოვნეთ ახალ-ახალი მწვანილებით თქვენი კერძებისთვის…

ეს ქოთნის მწვანილის ბაღი არის მარტივი პროექტი და მოსახერხებელი გზა, რომ ყოველთვის ხელთ გქონდეთ ახალი მწვანილი კერძისთვის.
თქვენს მწვანილს მზე დასჭირდება, ამიტომ მოათავსეთ თქვენი კონტეინერი პირდაპირი მზის ქვეშ მინიმუმ რვა საათის განმავლობაში.

ძველი ვედრო იდეალურია ამ პროექტისთვის.
ფსკერს თუ აქვს დაჟანგებული ადგილი,  იდეალურია დრენაჟისთვის.

რა ტიპის კონტეინერიც არ უნდა გამოიყენოთ, დარწმუნდით, რომ მას აქვს მართლაც კარგი დრენაჟი.

ძირში მოვათავსეთ ქვები ან გატეხილი ჭურჭლის ნაჭერი, რათა წყალი მიედინებოდეს ფესვებისკენ.

აირჩიე მწვანილი

როზმარინი და ოხრახუში ერთსა და იმავე ჭურჭელში კარგად ერწყმის ერთმანეთს.
ვედროს ქვეშ დადეთ წყლის ე.წ. უჯრას. შეგიძლიათ ვედრო გარეთ გადაიტანოთ, როგორც კი ამინდი გათბება.

წყარო

#gochadze #drpkhakadze #sheniambebi #sheniinterieri

W.W Stool – ფილიპ სტარკის მიერ შექმნილი საკულტო დიზაინის სკამი

ფილიპ სტარკი 1949 წელს დაბადებული ფრანგი სამრეწველო დიზაინერი და არქიტექტორია, რომლის ნამუშევრებიც მთელი მსოფლიოს მასშტაბით არის ცნობილი. ფუნქციური თვისებებისა და გამორჩეული დიზაინის წყალობით, სტარკის შემოქმედება დღემდე დიდი პოპულარობით სარგებლობს და აქტიურად იყიდება ავეჯის წამყვანი ბრენდების მაღაზიებში, მათ შორის Vitra-ს შოურუმებშიც.

თავდაპირველად ვიმ ვენდერმა სტარკს ისეთი ავეჯის შექმნა სთხოვა, რომელიც მას კომფორტულად მუშაობის შესაძლებლობას მისცემდა და იდეალური იქნებოდა ოფისში განსათავსებლად. ფილიპმა სკამზე მუშაობა 1992 წელს დაიწყო და მუშაობის პროცესში მისთვის შთაგონების წყარო ცოცხალი, მწვანე ბუნება გახდა, რომელიც მისი აზრით, ვენდერის სამუშაო დღეს გამოაცოცხლებდა და ენერგიით დამუხტავდა.
დღეს ფილიპის სკამის თავდაპირველი დიზაინს Vitra აწარმოებს და მისი ღირებულება დაახლოებით 3800 ევროდან იწყება. პროდუქტის ფასს განსაზღვრავს ძვირადღირებული მასალა და ხარისხი, რომელიც ინტერიერში კომფორტისა და ინდივიდუალიზმის შეგრძნებებს იძლევა. რაც შეეხება აგებულებას, სკამის დასამზადებლად უმაღლესი ხარისხის ალუმინი გამოიყენება.
წყარო

#gochadze #drpkhakadze #sheniambebi #sheniinterieri

Papasan Chair – 1950-იანი წლების საკულტო დიზაინი

“Papasan Chair” 1950-იანი წლების საკულტო დიზაინიობიექტია, რომლის პოპულარობის პიკიც 1970 წელს, ამერიკის შეერთებულ შტატებში იყო. სკამმა სახელი ამავე სახელწოდების ქარხნიდან მიიღო, სადაც ის პირველად დამზადდა.

თავდაპირველად, დიზაინი შესაფერისი იყო მხოლოდ ბოჰემური სტილისთვის და მომხმარებელს მისი გლუვი ხაზებითა და კომფორტით ხიბლავდა, თუმცა მისი უნიკალური დიზაინის წყალობით, სავარძელი დღეს გამოიყენება როგორც დასაჯდომად, ასევე დასასვენებლად, სამუშაოდ, წიგნის წასაკითხად და ა.შ.

• თანამედროვე ავეჯის სახლები გვთავაზობენ სკამის ორიგინალურ დიზაინს, რომელსაც აქვს შთამბეჭდავი ზომები, მაღალი ხარისხი და გარეგნობა, რომელიც წლებია, პოპულარობას არ კარგავს.

სახელი “Papasan” ნიშნავს კომფორტულ ავეჯს, რომელიც ადგილს დაიმკვიდრებს ნებისმიერი სახის ინტერიერში, შეგიქმნით კომფორტს და განსაკუთრებულ ატმოსფეროს.

სკამი არის დიდი ზომის, რომელიც დგას მყარ ბაზაზე. თითოეული ელემენტი მზადდება განსაკუთრებით ხარისხიანი და გამძლე მასალისგან და მისი დაზიანება თითქმის შეუძლებელია. არსებობს რამდენიმე კლასიკური მოდელი, თუმცა, ძირითადად უპირატესობას დაწნული დიზაინის მქონე სავარძელს ანიჭებენ.

• სავარძლის კიდევ ერთი უპირატესობა ის არის, რომ მისი რბილი ნაწილის შეცვლა შესაძლებელია და თუ ის დაზიანდება, მთლიანი ნივთის გამოცვლის საჭიროება არ გექნებათ.

მისი სიგანე მერყეობს 85სმ-დან 125სმ-მდე და ყველაზე გავრცელებული ზომა 110სმ-ია. სავარძლის საშუალო ჩაღრმავება 80სმ-დან 100სმ-მდეა, თუმცა ყველაზე მოსახერხებელი სიღრმე 95სმ-ია. სიმაღლე დაახლოებით 45სმ-ია, ხოლო ზურგის სიმაღლე არ აღემატება 110სმ-ს. მისი მსუბუქი წონა, მკვეთრი კუთხეების არარსებობა და ლაკონიური დიზაინი ავეჯს ხდის პრაქტიკულსა და უსაფრთხოს ბავშვებისათვის.

Papasan Chair-ის ღირებულება განსხვავებულია და დამოკიდებულია მის ზომაზე, ფერსა და მასალის ხარისხზე, თუმცა,საშუალოდ, ამ ნივთის ფასი 60$-დან იწყება.

წყარო

#gochadze #drpkhakadze #sheniambebi #sheniinterieri