ავტორი: ანი დავიდიანი
სოციალურ ქსელებში პოპულარული Food ბლოგერი ქეთო ბუაჩიძე, გამომწერებისთვის ცნობილი, როგორც Keto’s Kitchen Corner “შენი სუფრას” მკითხველს ულოცავს ქალთა საერთაშორისო დღეს! თავისი ბლოგის ისტორიას, ამ საქმიანობასთან დაკავშირებულ სირთულეებსა და სამომავლო გეგმებს უაზიარებს…
– ქეთო, გვიამბეთ, რამდენი ხანია, რაც კულინარიულ სფეროში ხართ და რამ გადაგაწყვეტინათ, Food ბლოგერი გამხდარიყავით?
– კულინარია ბავშვობიდან მიყვარდა.
ბებოს ყურებისას, თუ როგორ ფუსფუსებდა სამზარეულოში, სულ ვოცნებობდი – ნეტა, რომ გავიზრდები მეც შემეძლება ასეთი გემრიელობების მომზადება – მეთქი?
თავიდან ბებოს დამხმარე ვიყავი, შემდეგ რაც ასაკი მემატებოდა, დამოუკიდებლად ვცდილობდი, რაიმე განსხვავებული შემექმნა; რაც ვიცოდი იმის უკეთესი ინტერპრეტაცია მომეფიქრებინა, გამეუმჯობესებინა.
რა თქმა უნდა, მომზადებასთან ერთად ასევე დიდ სიამოვნებას ვიღებდი, როდესაც ჩემი საყვარელი ადამიანები აგემოვნებდნენ ჩემს ნამზადს. ამასთან, სულ ხდებოდა ისე, რომ ყველა, რეცეპტის გაზიარებას მთხოვდა. სწორედ აქედან წამოვიდა იდეა, რომ უფრო ფართო აუდიტორიისთვის გამეზიარებინა ჩემი კერძები და ამით, სხვა თუ არაფერი, ადამიანების შეფასებებისგან მიმეღო სულიერი საზრდო.
ბლოგის შექმნიდან კი მალევე დაიწყო ჩემმა აუდიტორიამ ზრდა და ახლა აუმრავი ადამიანი იყენებს ჩემს რეცეპტებს.
– რთულია თუ არა ეს საქმიანობა და რა წინაღობები გხვდებათ?
– მარტივია-თქო რომ გითხრათ, მოგატყუებთ. დიახ, რთულია, თუმცა გამკლავებადია, როცა იმას აკეთებ, რაც მთელი გულით გიყვარს.
პირველ რიგში, ფიზიკური შრომაა, ამაში ვგულისხმობ: გადასაღები მოედნის მოწყობა, ინგრედიენტების მომზადება, ესთეტიკურად დალაგება, სხვადასხვა კუთხიდან თითიეული კადრის გადაღება, მონტაჟის პროცესი, გახმოვანება.
ხანდახან 30- წამიანი რეცეპტის გადაღება შეიძლება 4 საათი ან თუნდაც მთელი დღეც გაგრძელდეს, იმისთვის რომ მივიღო მაქსიმალური შედეგი და იყოს შესაბამისი ჩემი აუდიტორიისთვის.
– როგორ ფიქრობთ, რა არის თქვენს საქმიანობაში ყველაზე მთავარი?
– როდესაც ამხელა აუდიტორია გიყურებს, შენ მათი ყოველდღიურობის ნაწილი ხარ, მთავარია, იყო გულწრფელი. როდესაც ის ხარ, ვინც ხარ და ადამიანები ხედავენ, რომ შენი საქმე გიყვარს, წარმატებაც თავისით მოდის.
ჩვენს სფეროში კიდევ ერთ-ერთი ყველაზე მთავარია – სიზუსტე. ამაში ვგულისხმობ ზუსტ რეცეპტს. არასდროს უნდა მოატყუო მაყურებელი; არ გამოგივიდა კერძი/დესერტი? გადაიღებ თავიდან, რომც 10 ჯერ მოგიწიოს – მაინც.
ნდობა არ უნდა დაკარგო აუდიტორიის.
– რთულია სხვადასხვა კომპანიასთან კოლაბორაცია? უმეტესად, პირველ ნაბიჯს თქვენ დგამთ თუ ისინი გიკავშირდებიან?
– ადამიანებთან კომუნიკაცია არ მიჭირს, შესაბამისად, როდესაც კომპანიის წარმომადგენელმა იცის, რა სურთ მათ, როგორი ფორმატით აქვთ გეგმაში რეკლამის გაშვება, ჩვენი კამპანიებიც უპრობლემოდ იგეგმება და საკმაოდ ნაყოფიერი კოლაბორაციები გამოგვდის.
პირველ ნაბიჯს ძირითადად კომპანიები დგამენ, თვითონ გპოულობენ, სწავლობენ შენს Engagement-ს, აფასებენ რატომ უღირთ შენთან თანამშრომლობა და ამის შემდეგ გამოდიან უშუალოდ კონტაქტზე.
– როგორია თქვენი ცხოვრება Keto’s Kitchen Corner-ის მიღმა?
– ამჟამად მთელი ჩემი დღის რეჟიმი მოიცავს ჩემი ბლოგი – ს “Ketos Kitchen Corner” – ის რეცეპტების გადაღებებს, ვიდეოების მონტაჟს, ჩემს გამომწერებთან კომუნიკაციას.
დღის მეორე ნახევარი კი ეთმობა ჩემი და ჩემი დის წამოწყებას – ჩვენს ონლაინ მაღაზიას, რომელშიც საკმაოდ დიდ რესურსს ვდებთ. ყველაფერს ჩვენ ორნი ვაკეთებთ: კოლექციის არჩევა, შეკვეთა, ჩამოტანა, დახარისხება, მომხმარებლებთან კომუნიკაცია, ონლაინ კონსულტაცია, ნივთების გაგზავნა მთელი საქართველოს მასშტაბით.
თამამად ვიტყოდი, რომ საკმაოდ დატვირთული ცხოვრების რეჟიმი მაქვს, რაც არ მაძლევს საშუალებას მოვდუნდე. დღის ბოლო კი ეთმობა მეგობრებსა და ოჯახის წევრებს. ვცდილობ, ჩემი საყვარელი ადამიანებისათვის ყოველთვის გამოვნახო დრო, რომ ერთმანეთისთვის ძვირფასი ემოციების გაცვლა მოვახერხოთ და ავივსოთ დადებითი ენერგიებით.
– რჩევა მათთვის, ვინც ახლა იწყებს Food ბლოგერობას…
– იყავით ის, ვინც ხართ.
გიყვარდეთ ეს საქმე მთელი გულით, არ დაინანოთ ენერგია, რესურსი და ის შედეგი რასაც ელოდებით, ადრე თუ გვიან მოვა.
– სამომავლო გეგმებიც გაგვიმხილეთ!
– უამრავი ჩანაფიქრი მაქვს, და არ მიყვარს წინასწარ ბევრი საუბარი. თუმცა გეტყვით იმას, რომ ჩემი ბლოგის ვიდეოების განათებაზე, ხარისხზე, გადაღების ტექნიკაზე ვმუშაობ და ბევრად თვალსაჩინო ხდება ჩემი შრომის შედეგი, რაც ძალიან მიხარია.
ჩემი გეგმები ყოველთვის უკავშირდება ჩემი ყველა საქმიანობის განვითარებასა და პიროვნულ ზრდას. მუდმივად ამ პროცესში ვარ.
#drpkhakadze #gochadze #shenisupra
