ტკბილი და გემრილი ნაყინი ბავშვებსაც უხარიათ და მოზრდილებსაც. წარმოგიდგენთ მარტივ და კლასიკურ რეცეპტს პლომბირის სახლში დასამზადებლად, რათა ის მაღაზიასთან შედარებით უფრო სასარგებლო გამოგივიდეთ. მინიმალური ინგრედიენტებით საოცარ შედეგს მიიღებთ.
ინგრედიენტები
- 300 მლ შესქელებული რძე
- 300 მლ ცხიმიანი ნაღები
- 90 გ რძიანი შოკოლადი
- ერთნაირი ქაღალდის ჭიქები
- ხის ან პლასტიკური ჯოხები
მომზადება
- ნაღები ღრმა ჭურჭელში ჩაასხით და მიქსერით ერთგვაროვან მასამდე მიიყვანეთ. ამ პროცესში ის მოცულობაში 2-ჯერ უნდა გაიზარდოს.
- ნაღებს პარალელურად შესქელებული რძე უმატეთ.
- მიღებული მასა კომფორტულ ჭურჭელში გადაიტანეთ.
- შოკოლადი წყლიან ჭურჭელში ან მიკროტალღურ ღუმელში დაადნეთ.
- ყველა ჭიქა დამდნარი შოკოლადით გაავსეთ. ნელ-ნელა გაანაწილეთ ის ჭიქების კედლებზე. დარჩენილი შოკოლადი უკან გადაასხით, მხოლოდ ჭიქების კედლებზე უნდა დარჩეს შოკოლადის ფენა.
- ჭიქები საყინულეში 10 წუთით მოათავსეთ.
- გაავსეთ ისინი ნაყინით, თიტეულ მათგანში ჩადეთ ჯოხი და საყინულეში 5 საათით ან მთელი ღამით დატოვეთ.
- გამოღებისას ნელა მოახიეთ ქაღალდის ჭიქა.
- გემრიელი დესერტი თქვენს ფულს აუცილებლად დაიპყრობს.
- არაა აუცილებელი დაამზადოთ შოკოლადი. შეგიძლიათ ნაღებისა და შესქელებული რძის მასა გაყინოთ და ხილით ან სიროფით მორთოთ.
