ორაგული ცნობილია თავისი უნიკალური გემოთი, მდიდარი კვებითი ღირებულებითა და მრავალფეროვნებით, რაც მას იდეალურ ინგრედიენტად აქცევს ჯანსაღი და გემრიელი კერძების მოსამზადებლად. მწვანე სალათი ორაგულით ძალიან ჯანსაღი გადაწყვეტილებაა
მწვანე სალათი ორაგულით ჯანსაღი საკვებია, ორაგული სავსეა ომეგა-3 ცხიმოვანი მჟავებით, ვიტამინებითა და მინერალებით, რომლებიც აუცილებელია ჩვენი ჯანმრთელობისთვის. ამ ბლოგის მთავარი თემა ნორვეგიული ორაგულია, ამ პროდუქტით ბევრი გემრიელი და ჯანსაღი კერძის მომზადებაა შესაძლებელი.
შემადგენლობა: 2 ფილე ნორვეგიული ორაგული, 110 გ. ბროკოლი, 1 ცალი ვაშლი, 1 ცალი ავოკადო, ფოთლოვანი სალათის ნარევი, 3 სუფრის კოვზი მოხალული გოგრის თესლი, 1 ლიმონი (წვენი) მარილი და პილპილი გემოვნებით
ბროკოლის მომზადება: ბროკოლი დაშალეთ პატარა ყვავილებად, მოაშორეთ უხეში ღეროები. დიდ ტაფაზე საშუალო ცეცხლზე გააცხელეთ 1 სუფრის კოვზი ზეთი. დაუმატეთ ბროკოლი, მოაყარეთ მარილი და პილპილი. მოშუშეთ 3-5 წუთი, დროდადრო ურიეთ, სანამ რბილი და ოდნავ დაბრაწული გახდება. გადაიტანეთ თეფშზე და ტაფა გაასუფთავეთ.
თევზის მომზადება: ქაღალდის ხელსახოცით გაამშრალეთ თევზი და მოაყარეთ მსხვილი მარილი და პილპილი. იმავე ტაფაზე, რომელშიც ბროკოლი მოამზადეთ, დაამატეთ 1-2 სუფრის კოვზი ზეთი. ტაფა საშუალო-მაღალ ცეცხლზე გააცხელეთ.
ორაგულის ნაჭრები მოათავსეთ ტაფაზე (კანის მხარე ქვევით) და შეწვით 4-5 წუთი, სანამ მსუბუქად მოიბრაწება. შემდეგ გადმოაბრუნეთ და შეწვით 2-4 . გადაიტანეთ თეფშზე.
სალათის მომზადება: ვაშლს ამოაჭერით გული და დაჭერით თხელი ნაჭრებად. ავოკადო გაჭერით სიგრძეზე, ამოიღეთ კურკა, ამოიღეთ რბილობი და დაჭერით თხელ ნაჭრებად. დიდ თასში აურიეთ სალათის ფოთლების მიქსი, ბროკოლი, ვაშლი, ავოკადო, გოგრის მოხალული თესლი. გემოვნებით დაამატეთ მარილი და პილპილი, მოასხით ლიმონის წვენი.სალათა გადაანაწილეთ ჯამებში, ზემოდან დაადეთ მომზადებული თევზი და მიირთვით.
#drpkhakadze #გიორგიფხაკაძე #pitskhelauri #აქხარისხია
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
შენი ქსელი: შენი ექიმი · შენი ამბები
