ყველას სურს ისეთ მიმზიდველ და კომფორტულ გარემოში ცხოვრება, რაც სიმშვიდისა და პოზიტივის განცდას მოუტანს, ამიტომაც ყოველთვის ვცდილობთ უმშვენიერესი ყვავილებით, დეკორატიული მცენარეებით და სხვადასხვა დეკორის ელემენტების მეშვეობით საკუთარი სახლის ინტერიერის, ექსტერიერის, ეზოს თუ ბაღის დიზაინის გალამაზებას –ეს ადამიანის შინაგან მოთხოვნილებას წარმოადგენს, შექმნას ისეთი სამყარო, სადაც ბედნიერად იგრძნობს თავს. საკუთარი ხელით ბაღებისა და ეზოების მოწყობას კი უფრო მეტი დადებითი მუხტი მოაქვს.
იმ მიზნით, რომ მყუდრო და მიმზიდველი გარემო შექმნათ გარდა ულამაზესი მცენარეებისა, შესაძლებელია სხვადასხვა ნივთების გამოყენება, თუნდაც საყოფაცხოვრებო, რომელიც უკვე გამოუსადეგარია მოხმარებისთვის.
ნუ იჩქარებთ მათ გადაყრას – შეღებეთ, თქვენი ფანტაზიით გაალამაზეთ და ჰარმონიულად შეუხამეთ თქვენი სახლის ექსტერიერსა და მცენარეებს.
ერთ-ერთ მთავარ ელემენტს, რა თქმა უნდა, ავეჯი წარმოადგენს, შეეცადეთ რომ იყოს კომფორტული, გამძლე და ამავდროულად ელეგანტურიც.
შექმენით ზღაპრული გარემო საკუთარი ხელით – ეს ხომ ასეთი მარტივია!
მოწნული ავეჯით ბაღისა და ეზოს მოწყობა საკმაოდ პრაქტიკულია. ფორმა და სტილი ექსტერიერისა და ლანდშაფტის მიხედვით შეარჩიეთ…
- #gochadze #drpkhakadze #sheniambebi #sheniinterieri
