რახათ-ლუხუმი – ეს წარმოუდგენლად დელიკატური და არომატული აღმოსავლური დელიკატესია. ითვლება, რომ თურქი სულთან ალი ჰაჯი ბექირის კარის კონდიტერმა გამოიგონა იგი. ერთხელ, როცა სულთანი დესერტს მიირთმევდა, კბილი მოიტეხა, ამიტომაც უბრძანა თავის მსახურს, რომ მისთვის რბილი მოემზადებინა. ასე შეიქმნა საღეჭი კანფეტი, რომელიც პირში დნება.
არსებობს რახათ-ლუხუმის რამოდენიმე რეცეპტი, გთავაზობთ მარწყვის არომატით. დესერტისთვის გამოდგება როგორც ახალი, ისე გაყინული პროდუქტი. მის შემადგენლობაში შემავალი სიმინდის სახამებლის ფუნქციაა გაასქელოს მომზადებული მასა, ის არავითარ გემოს არ აძლევს მას. დესერტი არ არის კალორიული, არც ძალიან ტკბილია, ასე რომ შეგიძლიათ ისიამოვნოთ ყოველ დღე.
შემადგენლობა
მარწყვი 200 გრ
შაქარი 250 გ
წყალი 500 მლ
წითელი ღვინო 60 მლ
სიმინდის სახამებელი 360 გ
კაკალი 50 გ
შაქრის პუდრი 180 გ
მომზადება
მარწყვი დააბლენდერეთ, მესამედ ნაწილს დაუმატეთ 250 მლ წყალი და შაქარი, აადუღეთ და 7 წუთი ხარშეთ ნელ ცეცხლზე, შემდეგ გადმოდგით ცეცხლიდან.
დანარჩენ მარწყვის პიურეს დაუმატეთ 250 მლ წყალი , სიმინდის სახამებელი და აურიეთ.
ორივე მასა ერთმანეთში აურიეთ. დაამატეთ ღვინო, დაბრუნეთ ცეცხლზე და 20 წუთი ხარშეთ გასქელებამდე. გადმოდგით ცეცხლიდან და დაამატეთ მოხალული და დაფქვილი ნიგოზი.
სასურველ ფორმაში გაშალეთ ცელოფანი, დაასხით მომზადებული მასა, ზედაპირი გადაასწორეთ და ოთახის ტემპერატურაზე გააჩერეთ 4 საათი. შემდეგ 4 საათით შედგით მაცივარში.
სამზარეულოს დაფას მოაყარეთ შაქრის პუდრი, გადმოაბრუნეთ ფორმა და გადმოიღეთ ლახათ ლუხუმი დაფაზე. დაჭერით ოთხკუთხედ ნაჭრებად. კონტეინერში ჩაყარეთ შაქრის პუდრა და სახამებელი. დაჭრილი კანფეტები ამოავლეთ კარგად.
დესერტი ადვილად რომ დაიჭრას, დანას წაუსვით ცოტა ზეთი.
დიეტოლოგების რეკომენდაციით, ლახათ ლუხუმი სხვა დესერტებთან შედარებით ნაკლებად მავნებელია, ამიტომ შეგიძლიათ ის დიეტის დროსაც მიირთვათ.
შენი ქსელი: შენი ექიმი · შენი ამბები
