თუ გაინტერესებთ, რაში იმალება მეგრული კერძების საიდუმლო, ეს სტატია სწორედ თქვენთვისაა. თუ სამეგრელოში ერთხელ მაინც ყოფილხართ და რომელიმე მეგრული კერძი გაგისინჯავთ,ალბათ ყველა დამეთანხმებით, რომ თქვენზე დიდ შთაბეჭდილებას დატოვებდა და მისი დაგემოვნების სურვილი მეორედ აუცილებლად გაგიჩნდებოდათ.
ქართულ სტუმართმოყვარეობასთან ერთად ქართული სამზარეულო ის დიდი სიმდიდრეა, რომელიც ჩვენს ქვეყანას გამორჩეულს და განსხვავებულს ხდის. საქართველოს არა მხოლოდ მრავალფეროვანი და მრავალგვარი სამზარეულო აქვს, არამედ თითოეული კუთხე მისთვის დამახასიათებელი და განსაკუთრებული კერძებითა თუ შეჭამანდებით გამოირჩევა.
მეგრული სამზარეულო შეიძლება საქართველოში ერთ-ერთ ყველაზე ცნობილ და გავრცელებულ სამზარეულოდ ჩავთვალოთ.
მეგრული სამზარეულოს ძირითადი და სახასიათო კერძების ჩამონათვალი ასეთია:
ღომი, სულგუნი, სულგუნის ფირფიტები ნადუღით, ელარჯი, გებჟალია, მეგრული აჯიკა, კუპატი, ასევე მეგრული ხაჭაპური, საცივი, ხარჩო, მჭადი და მრავალი სხვ.
ცხადია,მეგრული კერძების სია მხოლოდ ამით არ შემოიფარგლება. ეს მხოლოდ და მხოლოდმეგრელების საამაყო კერძებია. ზოგადად, მეგრული კერძები თავისი სიცხარით გამოირჩევა.სამეგრელოსთვის კი ყველაზე დამახასიათებელია მეგრული აჯიკა. აჯიკა არის წიწაკისა და სანელებლებისგან დამზადებული სოუსი. იგი ორი სახეობისაა:მწვანე და წითელი.
სამეგრელოში ჩასვლა მხოლოდ იმ სიამოვნეებისთვის ღირს, რომელიც შეიძლება მეგრული კერძების დაგემოვნებამ მოგანიჭოთ.
არა მხოლოდ სამეგრელოში,არამედ საქართველოს ნებისმიერ კუთხეში შეიძლება შეხვდეთ ისეთ ოჯახებს, რომელთა სუფრაზეც მეგრული კერძებიცმრავლადაა.
