shenisupra.ge -ს მკითხველს Food ბლოგერი Tatiana’s Kitchen უზიარებს უმარტივესად მოსამზადებელ, უგემრიელესი პასკის რეცეპტს:
“ამ რეცეპტით წლებია, ოჯახში ვამზადებ პასკას და შეუცვლელია…
Საჭირო ინგრედიენტები:
✅️1 კგ ფქვილი
✅️500 მლ რძე
✅️1 შეკვრა საფუარი(10 გრ)
✅️6 ც კვერცხი
✅️300 გრ შაქარი
✅️1 ც ლიმონის ცედრა
✅️ქიშმიში, ლიმონის ჩირი
✅️კარდამონი, მუსკატის კაკალი,
✅️კონიაკი
✅️200 გრ კარაქი
✅️შაფრანი+50 მლ რძე
ცხვება ღუმელში 30 წთ 40 გრადუსზე და 40 წთ 170 გრადუსზე.
Ვამზადებთ ხაშს:
500 გრ ფქვილს ვუმატებთ საფუარს და თბილ რძეს, კარგად მოვურევთ, დავახურავთ თავზე და ვაჩერებთ 30 წთ.
ცალკე ვაცალკევებთ კვერცხის გულებს და ცილას. გულებს ვთქვეფთ შაქართან ერთად. ცალკე ცილასაც ვთქვეფთ…
დროის გასვლის შემდეგ ხაშს ვუმატებთ კვერცხის გულებს, ლიმონის ცედრას, კარდამონს, ჯავზს და სურვილისამებრ კონიაკს.
Ნელ-ნელა ვუმატებთ კვერცხის ცილასაც და თან ვურევთ…
ვუმატებთ დარჩენილ ფქვილსაც, კარგად მოვურიოთ და ცომი დავასვენოთ 1 საათი.
დროის გასვლის შემდეგ სამუშაო მაგიდაზე მოვაყაროთ ფქვილი, გადავიტანოთ ცომი და კარგად დავამუშავოთ ფქვილით ისე, რომ ხელზე აღარ მიგვეკრას.
ცხელ წყალში ჩამბალი ქიშმიში დავწუროთ და დაჭრილ ლიმონის ჩირთან ერთად შევაზილოთ ცომს.
ცომი დავყოთ რამდენიმე ნაწილად, მე 6 საშუალო ზომის გამომივიდა, მოვათავსოთ ქარალდის ფორმებში და შევდგათ ღუმელში 40 გრადუსზე 30 წთ.
დიახ, ცომს ცალკე არ უნდა გაჩერება და ლოდინი, 30 წუთის გასვლის შემდეგ 170 გრადუსზე ვაცხობთ პასკებს 40-50 წუთი.
გამზადებული პასკები შევაგრილოთ და დავასვენოთ.
Სურვილისამებრ შეგიძლიათ გააფორმოთ პასკები…
აქვე დავწერ მინანქარის მარტივ რეცეპტსაც:
1 ც კვერცხის ცილა და 150 გრ შაქრის პუდრა გავთქვიფოთ და ეგ არის, მინანქარიც მზად არის.
Აღდგომა სიხარულისა მისურვებია, ჩემო ძვირფასებო !!!”
შენი ქსელი: შენი ექიმი · შენი ამბები
