რა დაგიჯდებათ ტრადიციული საახალწლო სუფრა?
საახალწლო სუფრა საქართველოში მცხოვრებ მოქალაქეებს 300 ლარი დაუჯდებათ, რაც გასული წლის მაჩვენებელზე 8.3%-ით მეტია.
კვლევითი ინსტიტუტის ინდექსი 5-6-სულიანი ოჯახისთვის ისეთი ტრადიციული კერძების ღირებულებას ითვლის, როგორიცაა: მწვადი, საცივი, ხაჭაპური, კალმახი, ქათმის ტაბაკა (შემწვარი), ოლივიეს სალათი, ფხალი, კიტრისა და პომიდვრის სალათი, გოზინაყი და ხილი.
სუფრის ინდექსის მიხედვით, საახალწლო სუფრა ყველაზე იაფი (250 ლარი) კახეთშია, ყველაზე ძვირი კი (300 ლარი) – რაჭა-ლეჩხუმსა და ქვემო სვანეთში. ყველაზე მაღალი ზრდა სამეგრელო-ზემო სვანეთში დაფიქსირდა, სადაც საახალწლო სუფრის ღირებულებამ 230 ლარი შეადგინა, რაც 2023 წლის ამავე პერიოდთან შედარებით 14.8%-ით მაღალია.
2024 წლის დეკემბერში, გასულ წელთან შედარებით, თითქმის ყველა სახის საკვები პროდუქტი გაძვირდა.
სურსათის ფასები იზრდება როგორც ადგილობრივ, ისე საერთაშორისო ბაზრებზე, რასაც სურსათისა და სოფლის მეურნეობის ორგანიზაციის ანგარიშიც ადასტურებს.
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
შენი ქსელი: შენი ექიმი · შენი ამბები
