იტალიის კურორტ პორტოფინოზე მოგზაურობა ყველაზე მეტად სწორედ სამზარეულოთი დაგამახსოვრდებათ. ყველა კერძი სიმარტივით გამოირჩევა. სწორედ იქ გავსინჯე ფორთოხლის არაჩვეულებრივი ნამცხვარი.
თუ ტკბილეულის მოყვარული ხართ, ის აუცილებლად მოგეწონებათ, და რაც მთავარია, მის მომზადებას სახლშიც შეძლებთ.
რბილი ბისკვიტი ვანილის სიროფით – დესერტის მომზადების შემდეგ, თითებს აუცილებლად ჩაიკვნეტთ.
ცომის ინგრედიენტები
- 150 გ რბილი ნაღების კარაქი
- 4 კვერცხი
- 150 გ ფქვილი
- 170 გ შაქრის პუდრა
- 2 ჩ.კ. გამაფხვიერებელი
- 2 მლ ვანილის ესენცია
ინგრედიენტები შიგთავსისთვის
- 1 დიდი ფორთოხალი
- 125 მლ წყალი
- 200 გ შაქრის პუდრა
- 2 მლ ვანილის ესენცია
ფორთოხალი შიგთავსისთვის, როელიც ზემოთ გამოჩნდება, წვნიანი და თხელი ქერქით აარჩიეთ.
მომზადება
ფორთოხლისთვის მოვამზადოთ შაქრის სიროფი: აურიეთ წყალი და შაქრის პუდრა ჯამში. დადგით ნელთბილ ცეცხლზე და ურიეთ, სანამ თხევადი არ გახდება.
გახეხეთ ფორთოხალი ჯაგრისით გამავალ წყალში. გააშრეთ და ქერქიანად დაჭერით წრიულ ფორმებად. დააწყვეთ ნაჭრები პირსახოცზე, რათა ზედმეტი წვენი გაიწოვოს.
ცხელ შაქრის სიროფს დაუმატეთ ვანილის ესენცია, აურიეთ და მოათავსეთ მასში ფორთოხალი. დადგით 2 წუთი ცეცხლზე და გამორთეთ. ციტრუსმა ვანილი და შაქარი უნდა შეიწოვოს.
სანამ ფორთოხალი გაცივდება, ცომი მოამზადეთ. ცალკე ჭურჭელში მიქსერით კარაქი პუდრასთან აურიეთ. მორიგეობით დაამატეთ კვერცხი, ვანილის ესენცია, გამაფხვიერებელი და ფქვილი.
ნამცხვრის სპეციალურ ფორმაში ჯერ პერგამენტი მოათავსეთ, შემდეგ კარაქი წაუსვით. ამის მერე ფორთოხალი და დარჩენილი სიროფი მოათავსეთ.
ცომი ფორთოხლებზე დაასხით და 160 გრადუსზე გაცხელებულ მიკროტალღურ ღუმელში მოათავსეთ.
გამოაცხვეთ 40 წთ.
როცა ბისკვიტი მზად იქნება, გააცივეთ. გადაიტანეთ თეფშზე და ფრთხილად მოაცილეთ პერგამენტი.
აირჩიეთ ხარისხიანი პროდუქტები და არ გამოაღოთ გაზქურა პირველი 20 წუთის მანძილზე.
შენი ქსელი: შენი ექიმი · შენი ამბები
