მოამზადეთ ტკბილეულობა, რომლის გემოც ბავშვობიდან კარგად გვახსოვს – სურნელოვანი თაფლაკვერები ცილის მინანქრით.

3.8Kთაფლაკვერები შესაძლოა ახალბედა დიასახლისმაც მოამზადოს.

თაფლაკვერები ჰაეროვანი გამოდის კეფირის წყალობით, ამასთან მომზადებას დიდი დრო არ სჭირდება.

ინგრედიენტები:

350 მლ კეფირი

275 გრ შაქარი

2 ც კვერცხის ცილა

2 ც კვერცხის გული

1 ს.კ. თაფლი

4 ჭიქა ფქვილი

3 ს.კ. ზეთი

1 ჩ.კ. სოდა

მომზადება:

ათქვიფეთ 2 კვერცხის ცილა, 1 კვერცხის გული, 1 ს.კ. თაფლი და 1 ჭიქა შაქარი. დაუმატეთ ზეთი, კეფირი და კვლავ კარგად ათქვიფეთ.

გაცერით ფქვილი, დაუმატეთ სოდა, მოზილეთ ცომი და გააბრტყელეთ 1 სმ სისქეზე. ჭიქის მეშვეობით ამოჭერით ფორმები. საცხობ ფორმას დააფინეთ პერგამენტი, მოათავსეთ გამზადებული ცომები 1-2 სმ დაშორებით. შედგით 180 გრადუსამდე გახურებულ ღუმელში 20-25 წუთით.

სანამ თაფლაკვერა ცხვება, მოამზადეთ შაქრის მინანქარი. ათქვიფეთ 3 კოვზი შაქარი და კვერცხის ცილა. მასა თხევადი უნდა იყოს, ასე რომ დიდი ძალისხმევა არ არის საჭირო.

გამოიღეთ თაფლაკვერები და წაუსვით მინანქარი. შედგით ღუმელში კიდევ 10 წუთით. მზა თაფლაკვერები გააციეთ.

თაფლაკვერები დიდხანს ინარჩუნებს სირბილეს. ძალიან ნაზი და არომატული დესერტი გამოგივათ. მოგეწონათ რეცეპტი? მაშინ შეინახეთ და გაუზიარეთ მეგობრებს.