კარტოფილს არც ისე კარგი რეპუტაცია აქვს.
ის, რაც ერთ დროს მრავალი ქვეყნის კვების რაციონში მთავარი იაფი პროდუქტი იყო, ბოლო წლებში „არაჯანსაღ“ პროდუქტად მონათლეს.
ნებისმიერი ტიპის საკვების დიდი ოდენობით ჭამა ჯანმრთელობისთვის კარგი არ არის და როგორც ზოგიერთი კვლევა მიუთითებს, კარტოფილის პროდუქტების ზედმეტად ჭამა შეიძლება დაკავშირებული იყოს სისხლის მაღალ წნევასთან. თუმცა, უარყოფითი ეფექტები ძირითადად კარტოფილის მომზადებისა და მოხმარების გზებთან არის დაკავშირებული.
სინამდვილეში, კარტოფილი შეიცავს მრავალ ვიტამინს და ჯანმრთელობისთვის საჭირო სხვა საკვებ ნივთიერებებს. გთავაზობთ ექვს მიზეზს, თუ რატომ არის კარტოფილი თქვენთვის სასარგებლო.
1) ვიტამინი C ჩვენთვის ძირითადად ფორთოხალთან და ციტრუსებთან ასოცირდება. თუმცა, ამ ვიტამინის მნიშვნელოვანი წყაროა კარტოფილიც. საშუალოდ, პატარა კარტოფილი (150 გრამი) C ვიტამინის დღიური ნორმის დაახლოებით 15 პროცენტს გვაძლევს.
2) ვიტამინი B6 ორგანიზმისთვის საჭირო მნიშვნელოვანი მოლეკულაა. ასზე მეტ ფერმენტს სხეულის სწორად ფუნქციონირებაში ეხმარება და ცილების დაშლის საშუალებას აძლევს — ეს პროცესი საკვანძოა ნერვების კარგად ფუნქციონირებისთვის. სწორედ ამიტომ არის დაკავშირებული B6 კარგ მენტალურ ჯანმრთელობასთან.
3) უჯრედებში კალიუმის არსებობა მნიშვნელოვანია კუნთებსა და ნერვებში ელექტრული სიგნალირებისთვის. შესაბამისად, თუ ორგანიზმში კალიუმის მქონე ძალიან მაღალი ან დაბალია, შეიძლება გულმა ფუნქციონირება შეწყვიტოს.
შემწვარი კარტოფილი უფრო მეტ კალიუმს შეიცავს, ვიდრე მოხარშული. კანიანი კარტოფილი კალიუმის რეკომენდებული დღიური ნორმის დაახლოებით მესამედს შეიცავს. მოხარშვისას, კარტოფილი კალიუმის ნახევარს კარგავს.
4) ქოლინი პატარა ნაერთია, რომელიც ცხიმს ეკვრის და ფოსფოლიპიდებს აწარმოებს. ფოსფოლიპიდები უჯრედის კედლებისა და ნეიროტრანსმიტერ აცეტილქლოლინის (რომელიც გვეხმარება კუნთების შეკუმშვაში, აგანიერებს სისხლძარღვებს და ანელებს გულისცემას) სამშენებლო მასალაა. ცილებით მდიდარი საკვების, მაგალითად, ხორცისა და სოიას შემდეგ, კარტოფილი მეორე ადგილზეა ქოლინის შემცველობით.
5) კარტოფილი კარგია მომნელებელი სისტემისთვის. კარტოფილის მომზადება და გაციება რეზისტენტულ სახამებელს წარმოქმნის. ეს ჯანსაღი სახამებელია, რომელიც ჩვენს სხეულს მრავალმხრივ ეხმარება, მათ შორის, მოქმედებს პრებიოტიკის სახითაც.
6) კარტოფილი ბუნებრივად არ შეიცავს გლუტენს; შესაბამისად, დიდებული არჩევანია იმ ადამიანებისთვის, რომლებსაც მუცლის ღრუსთან დაკავშირებული დაავადებები აქვთ და გლუტენის მიღებისგან თავშეკავება მართებთ.
