აიურვედა არის სამედიცინო და ფილოსოფიური სისტემა, რომელიც წარმოიშვა 2 ათასზე მეტი წლის წინ, ინდოეთში. ახლა ეს არის ალტერნატიული მედიცინა, რომელიც აღიარებულია ჯანდაცვის მსოფლიო ორგანიზაციის მიერ.
აიურვედა: კვების ფილოსოფია
აიურვედას მიხედვით, კვება ემყარება რამდენიმე მნიშვნელოვან პრინციპს, რომლის დაცვაც საშუალებას გაძლევთ გამოჯანმრთელდეთ დაავადებებისგან და შეინარჩუნოთ სხეული ჯანსაღ მდგომარეობაში. აიურვედას კულინარიული პრინციპები ეფუძნება იმ ფაქტს, რომ საკვები, რომელსაც ადამიანი ჭამს, გავლენას ახდენს არა მხოლოდ მის ფიზიკურ სხეულზე, არამედ მის ფსიქიკაზე და გონების მდგომარეობაზე. ამიტომ, გარდა პროდუქტებისა, აიურვედას კვებაში განსაკუთრებული ადგილი ეთმობა განწყობას, რომლითაც მზადდება ეს საკვები.
კვების პირველი პრინციპის მიხედვით, მოხმარებული საკვები უნდა იყოს ახალი და ბუნებრივი. გაყინული ან დაკონსერვებული საკვები არ შეიცავს იმ ნივთიერებებს და მინერალებს, რომლებიც ორგანიზმს სჭირდება სათანადო ფუნქციონირებისთვის.
აიურვედას კვების მეორე პრინციპი არის საკვების გამოყენება, რომელიც კარგად უხდება ერთმანეთს. ამ გზით ჩვენ შეგვიძლია მივიღოთ მაქსიმალური სარგებელი საკვებისგან. მაგალითად, საკვები უკეთესად შეიწოვება, თუ ხილს, ცილებს და ცხიმებს ცალ-ცალკე, სხვადასხვა კერძში მოიხმარენ.
მესამე პრინციპი არ მიჰყვება ტრადიციულ გრაფიკს: საუზმე, ლანჩი, ვახშამი. ეს ფილოსოფია გვკარნახობს, რომ ჭამოთ მხოლოდ მაშინ, როცა მშიერი ხართ. თუ გაქვთ მადის დარღვევა, ეს არ ნიშნავს იმას, რომ საერთოდ არ უნდა ჭამოთ. მადის დარღვევა არის სხეულის ნორმალური ფუნქციონირების დარღვევა, რომელიც საჭიროებს მკურნალობას.
აიურვედას მეოთხე პრინციპია: დაამატეთ ბევრი სანელებლები თქვენს საკვებს.
კვების მეხუთე პრინციპი: საკვები უნდა იყოს მრავალფეროვანი. ეს ნიშნავს, რომ ნებისმიერი კერძის მომზადებისას უნდა შეეცადოთ გამოიყენოთ ყველა არომატის შეფერილობის შემცველი პროდუქტები: ტკბილი, მწარე, მჟავე, მარილიანი და ცხარე.
კვების მეექვსე პრინციპი: დაღეჭეთ საკვები კარგად.
და ბოლოს, კვების ბოლო პრინციპი აიურვედას მიხედვით არის ორგანიზმის დასვენება კვირაში ერთხელ. ან საერთოდ საკვებიდან, ან თუნდაც მძიმე საკვებიდან.
შენი ქსელი: შენი ექიმი · შენი ამბები
