Shenisupra.ge -ს ვახტანგ ხადური მიმტანების რეალურ ყოფაზე ესაუბრება:
–ვახტანგ, გვიამბეთ თქვენზე…
-მიმტანი ვარ უკვე 8 წელია, ვიყავი სუპერ ვაიზერი, სერვის მენეჯერი და ახლა დროებით მიმტანი ვარ. მიყვარს ცხოვრებისეული გამოძახილები, არ ვერიდები სიახლეებს…
–მაინტერესებს, რა გარემოებებმა გარემოებებმა აგარჩევინათ ეს სფერო?
-ამ სფეროში თავიდან შემთხვევით აღმოვჩნდი, რაღაც დროის შემდეგ, მომეწონა ეს საქმე, ამის განმაპირობებელი მიზეზი, ძიდითადად, “თიფსი” იყო…მომწონს ჩემი საქმე, რადგან ზუსტად მისი საშუალებით შემიძლია ბევრი ადამიანი გავაბედნიერო.
–საინტერესოა რამდენად კარგი “სტაფი” დაგხვდათ ობიექტზე, როგორი დამოკიდებულება ჰქონდათ მენეჯერებს?
-თითქმის ყველა ობიექტზე კარგი “სტაფი” და მენეჯმენტი დამხვდა, რომლებთანაც დღემდე კარგ ურთიერთობას ვინარჩუნებ, გამონაკლისებს თუ არ ჩავთვლით, რა თქმა უნდა.
–მოგეხსენებათ, პირველი დღეები არც ერთ სამსახურში არ არის მარტივი, თქვენ როგორ გაიხსენებდით ამ დღეებს, გაგიჭირდათ მიჩვევა?
-თავიდან ცოტა გამიჭირდა, მაგალითად, პირველ დღეს რესტორანი რომ გაივსო, მაშინ მქონდა განსაკუთრებულად პირველი ღელვა, რომლის დაძლევაშიც დამჭირდა დაახლოებით 5 დღე.
–მიმტანების ახლანდელ რეალობაზე რას გვეტყვით?
– ბევრ რესტორანში მფლობელები ცდილობენ, ხელი შეგიწყონ, მაგრამ ძალიან ბევრ რესტორანში შესაცვლელია ბევრი რამ, თუნდაც სამუშაო გრაფიკი, მენეჯერების დამოკიდებულება “სტაფის” მიმარ და ამის შემდეგ, ჩემი აზრით, საქართველოში გამოსწორდება და განვითარდება ეს მიმართულება…
–მომხმარებლებს როგორი დამოკიდებულება აქვთ თქვენდამი – როგორია ტენდენცია?
– უმეტეს წილად, კარგი დამოკიდებულება აქვთ, მაგრამ გვხდება ისეთი ხალხიც, რომელიც ზემოდან გიყურებს…
– რაიმე ისეთი ფაქტი ხომ არ მომხდარა, რამაც თავი დაგამახსოვრათ?
– ბევრი დასამახსოვრებელი ფაქტი მახსენდება, ძირათად, გაპარვის მცდელობები…
–საინტერესოა, მსგავსი ფაქტების დროს როგორ რეაგირებს მენეჯმენტი, იჭერს თუ არა თქვენს მხარეს?
-დიახ, ძირითადად ჩვენ გვიჭერენ მხარს…
–ინტერვიუს დასასრულს, ვახტანგ, მაინტერესებს, რა რჩევებს მისცემდით ახალგაზრდებს, რომლებიც ამ სფეროში დამწყებები არიან?
-მონდომება და გულწფელობაა, ვფიქრობ, ეს არის მთავარი…!
ავტორი: მაგდა ალანია
