შიგნით ფუმფულა, გარეთ ხრაშუნა, ეს შემწვარი კარტოფილი შესანიშნავი ალტერნატივაა ვახშმისას. (სხვათა შორის, კიდევ უკეთესია მეორე დღეს, როცა პირდაპირ მაცივრიდან მიირთმევ!)
მოდი, კალორიებიც დავითვალოთ, რათა ვახშამზე სინდიდის გრძნობამ არ შეგვაწუხოს!
თითოეული პორცია შეიცავს 389 კკალს, 7 გრ ცილას, 65 გრ ნახშირწყლებს (აქედან 3 გრ შაქარი), 9,5 გრ ცხიმს (აქედან 4 გრ ნაჯერებს), 7 გრ ბოჭკოს და 0,3 გრ მარილს.
ახლა კი მოდი შვუდგეთ მომზადებას:
გააცხელეთ ღუმელი 200C/180C-ზე
კარტოფილი მოათავსეთ ქვაბში და წყლით დაფარეთ, დაამატეთ 1 სუფრის კოვზი მარილი, დააფარეთ თავსახური და მიიყვანეთ ადუღებამდე. ადუღეთ 15 წუთის განმავლობაში, სანამ არ მოიხარშება (დანით გახვრეტისას ჩამოცურდება). საგულდაგულოდ გადაწურეთ ქილაში, შემდეგ გადმოიტანეთ რაიმე ჯამში და დააფარეთ კარტოფილი ჩაის პირსახოცით. გააჩერეთ 10 წუთი ორთქლზე გასაშრობად.
ამასობაში საცხობ ფორმაში ჩაასხით ცოტაოდენი მცენარეული ზეთი და შედგით ღუმელში 10 წუთის განმავლობაში.
ჩაყარეთ კარტოფილი ცხელ, ცხიმიან ფორმაში და შეანჯღრიეთ, რომ კარტოფილი კარგად გაიშალოს. ფორმა შედგით ღუმელში და გამოაცხვეთ 20 წუთის განმავლობაში. შემდეგ მოაბრუნეთ და ისევ დააბრუნეთ ღუმელში კიდევ 20-30 წუთის განმავლობაში ან სანამ ოქროსფერი და ხრაშუნა არ გახდება. კარტოფილს მოაყარეთ მარილი და პილპილი.
გემრიელად მიირთვით!
