როგორ და რატომ უნდა ავარიდოთ თავი მცენარეული ცხიმებისგან დამზადებულ რძის ნაწარმს, რომელი ყველი ვიყიდოთ? და რა ზიანი შეუძლია მოუტანოს მცენარეული ცხიმისაგან დამზადებულმა პროდუქტმა ჩვენს ჯანმრთელობას
ყველი იმერული, გუდა, ქარხნული, სულგუნი თუ სხვა – თითქმის ყველა სახეობას შეხვდებით საქართველოს აგრარული ბაზრების დახლებსა თუ მაღაზიებში.
თუმცა თითქმის არასდროს ან ძალიან იშვიათად გაიგებთ მათ რეალურ წარმომავლობას. გამყიდველს თუ ჰკითხავთ გეტყვით რომ ეს ყველი, ნედლი რძისგან, ჰიგიენური ნორმების სრული დაცვით ნაწარმოები პროდუქტია – იმერეთიდან, სამეგრელოდან ან თუნდაც თბილისის შემოგარენიდან. ადგილზე დაგემოვნებაზეც არ გეტყვიან უარს, უხვად ჩამოჭრიან სხვადასხვა სახის ყველის ნაჭრებს, რომ სასურველი გემო აირჩოთ. თუმცა იმის დამადასტურებელი საბუთის მოძიება, თუ სად დამზადდა ეს ნაწარმი ან როგორ – ძალიან გაგიჭირდებათ.
რძის ნაწარმისა თუ „ქართული ყველის მწარმოებელთა ასოციაციების“ წარმომადგენლები დიდი ხანია საუბრობენ, აგრარულ ბაზრებზე არალეგალური ანუ არარეგისტრირებული საწარმოების პროდუქტების არსებობაზე, რომლებსაც აგრარულ ბაზრებში არსებული დაბალი ფასის გამო, მონოპოლია აქვთ აღებული.
ამბობენ იმასაც რომ აგრარულ ბაზრებში გასაყიდად გამოტანილი რძის ნაწარმის 95% არარეგისტრირებული ქარხნების მიერაა დამზადებული.
ნატურალური ყველი მაღაზიაში 22 ლარი ღირს. არარეგისტრირებული საწარმოების ყველის ფასი კი 15-დან 17 ლარამდე მერყეობს. სჯობს არ იყიდოთ ისეთი ყველი, რომლის წარმომავლობაც არ იცით და აუცილებლად იყიდოთ ისეთი, რომლის ეტიკეტზეც დატანილია ინფორმაცია, მისი წარმომავლობისა შესახებ.
რძის პროდუქტებში რომლებიც ხელოვნურად არის მიღებული, შედის ისეთი კონსერვანტები და ემულგანტები, რომებიც ზეგავლენას ახდენს კუჭნაწლავის ტრაქტზე. იწვევს ისეთ დაავადებებს, რომელიც არის კუჭის წყლულოვანი დაავადება, ან თორმეტგოჯას წყლულოვანი დაავადება. გარდა ამისა, მასში რიგ შემთხვევეში ისეთი ნივთიერებებია შესული, რომლებიც კანცეროგენურია, ანუ პროვოცირებას უკეთებს ონკოლოგიური დაავადებების არსებობას ჩვენს ორგანიზმში.
ამის გარდა კი არსებობს ზოონოზური ანუ ინფექციური დაავადებები, რომელიც ცხოველიდან ადამიანზე გადადის.. ერთ-ერთი მათგანი ბრუცელოზია. მისი გადადების რისკი მაღალია დაავადებულ ცხოველთან კონტაქტისას – მოვლის, მოწველის, მისი თერმულად დამუშავებული რძის და ამ რძით დამზადებული პროდუქციის, მაგალითად ყველის მიღების დროს.
მთავარი გაფრთხილებაა, არ მიგიზიდოთ მხოლოდ დაბალმა ფასმა. არ ენდოთ მხოლოდ ზეპირსიტყვიერ პირობებს. იყიდეთ ვადიანი და ედიკეტიანი ყველი.
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
მასალის გამოყენების პირობები
