ბავშვისთვის ჯანსაღი და გემრიელი ლანჩბოქსის მომზადება ყოველდღიური გამოწვევაა მშობლებისთვის. საკვები უნდა იყოს ნოყიერი, დაბალანსებული და მიმზიდველი, რომ ბავშვმა სიამოვნებით მიირთვას.
ლანჩბოქსი -როგორ უნდა ვაქციოთ სრულყოფილად?! მნიშვნელოვანია, რომ კვება იყოს დაბალანსებული და მოიცავდეს შემდეგ კომპონენტებს:
1. ცილები – ხელს უწყობს ენერგიის შენარჩუნებას და ზრდას. მოხარშული კვერცხი. ქათმის ან ინდაურის ფილე. თევზი (მაგალითად, ორაგული) ხაჭო ან ბერძნული იოგურტი
2. ბუნებრივი ნახშირწყლები – ენერგიის წყაროა და ეხმარება ტვინის მუშაობას.
მთლიანი მარცვლეულის პური ან კრეკერი, ბრინჯი ან კუსკუსი. ხორბლის მაკარონი. ტკბილი კარტოფილი.
3. ხილი და ბოსტნეული – ვიტამინებისა და მინერალების მნიშვნელოვანი წყაროა. ვაშლი, ბანანი, მსხალი, ყურძენი. სტაფილო, კიტრი, ბულგარული წიწაკა. ბოსტნეულის სალათი.
4. ჯანსაღი ცხიმები – აუცილებელია ტვინისა და ნერვული სისტემის განვითარებისთვის. ავოკადო. კაკალი, ნუში, თხილი. ჩიას ან სელის თესლი.
5. რძის პროდუქტები (თუ ბავშვი მოიხმარს) – ძლიერი ძვლებისა და კბილებისათვის. ყველი, იოგურტი, რძის სასმელები,
იდეები მარტივი და გემრიელი ლანჩბოქსისთვის
✅ სენდვიჩი და ხილი
მთლიანი მარცვლეულის პური, ქათმის ფილი, ყველი და სალათის ფოთოლი, პლუს ყურძენი ან ბანანი.
✅ ბოსტნეულის და ხაჭოს დუეტი
სტაფილოს ჩხირები და კიტრი, ბერძნული იოგურტი ან ხაჭო.
✅ ბლინი
წიწიბურის ან შვრიის ბლინები თაფლით და კაკლით.
✅ პასტა და ბოსტნეული
მთლიანი მარცვლეულის მაკარონი პომიდვრის სოუსით და ყველით, გვერდით კი სტაფილოს ან კიტრის ნაჭრები.
✅ პური და ჰუმუსი
მთლიანი მარცვლეულის პური ჰუმუსით, ავოკადოთი და ბულგარული წიწაკით.
ლანჩბოქსის სწორად შერჩევით, თქვენ შეგიძლიათ უზრუნველყოთ თქვენი შვილის ჯანმრთელი და ენერგიული დღე!
#drpkhakadze #გიორგიფხაკაძე #pitskhelauri #აქხარისხია
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
შენი ქსელი: შენი ექიმი · შენი ამბები
