დაიწყეთ დილა ნოყიერი საუზმით – ღუმელში გამომცხვარი უგემრიელესი ომლეტი.

უგემრიელესი ომლეტი

ინგრედიენტები:

ხახვი – 1 ც.

ქამა სოკო – 2 ც. მოზრდილი ზომის

სტაფილო -1 ც.

ბადრიჯანი – დაახლ. 8-10 თხელი ნაჭერი

ნიორი – 1 კბილი

ბულგარული წიწაკა – 1 ც.

სოსისი – 1 ც.

კვერცხი – 4 ცალი

რძე – 3 ს.კ.

წყალი – 1 ს.კ.

მარილი, პილპილი, პაპრიკა

ზეითუნის ზეთი – დაახლ. 2 – 3 ს.კ.

მომზადება:

დაჭერით ბოსტნეული და სოსისი. ჩართეთ ღუმელი და გაახურეთ 200 C-მდე. მანამდე, გაზქურაზე, მაღალ ცეცხლზე გაახურეთ ტაფა და მოასხით ზეითუნის ზეთი. 2 წუთის მანძილზე ჩაშუშეთ ხახვი და ბადრიჯანი და მუდმივად ურიეთ, რომ არ მიიწვას. დაამატეთ დანარჩენი ბოსტნეული და სოსისი და ჩაშუშეთ 3 წუთის განმავლობაში. დაამატეთ მარილი და სურვილისამებრ პილპილი და პაპრიკა.

აიღეთ ცეცხლგამძლე ჭურჭელი, ძირზე და კედლებზე წაუსვით ცოტა ზეითუნის ზეთი. გადაიტანეთ ჩაშუშული ბოსტნეული და სოსისი ამ ჭურჭელში. ცალკე გათქვიფეთ კვერცხი, რძე და 1 ს.კ. წყალი. დაამატეთ ცოტა მარილი. მოასხით ჭურჭელში მოთავსებულ ჩაშუშულ ბოსტნეულს და კოვზით სულ ოდნავ ამოურიეთ, რომ კვერცხი ყველგან გადანაწილდეს.

შედგით ღუმელში და გამოაცხვეთ 25 – 30 წუთის განმავლობაში. როდესაც ზედაპირი გაშრება და მოიბრაწება, თქვენი გემრიელი საუზმე მზად არის!