ბევრ დიასახლისს უყვარს ცხობა, თუმცა საამისო დრო ხშირად არ აქვს. ოჯახის წევრების გახარების სურვილი კი დიდია.
საბედნიეროდ, არსებობს მარტივი რეცეპტები, რომელთა მიხედვით უჩვეულოდ გემრიელი დესერტები გამოდის ყოველგვარი ცხობის გარეშე – სულ რაღაც 15 წუთში. დღეს ერთ-ერთ მათგანს გთავაზობთ.
ინგრედიენტები
- 500 გ ყველი ,,ფილადელფია”
- 400 გ ნუტელა
- 250 გ ჩაის ორცხობილა
- ასი გ კარაქი
მომზადება
1. ერთი კოვზი ნუტელა შეურიე კარაქს. ნარევი შედგი მიკროტალღურში საშუალო სიმძლავრეზე ისე, რომ გადნეს.
2. ორცხობილა ჩაალბე წყალში, თუმცა უმჯობესია გამოიყენო რძე და დააქუცმაცე. შემდეგ ორცხობილას დაასხი მიკროტალღურიდან გამოღებული ნარევი. აურიე და შედგი მაცივარში.
3. დარჩენილი ნუტელა და ყველი ფილადელფია ათქვიფე მიქსერით ან ბლენდერით. მასა შედგი მაცივარში.
4. რამდენიმე ხნის შემდეგ ტორტის ფუძე გამოიღე მაცივრიდან. გადაიტანე ფორმაში და დატკეპნე ჭიქის დახმარებით.
5. ზემოდან მოათავსე ყველისა და ნუტელას ნარევი. კვლავ მოასწორე ზედაპირი და დააყოვნე, რათა გემო გაუჯდეს.
6. დესერტი მზად არის! რბილი ყველისა და შოკოლადის ერთობლიობა შესანიშნავ გემოს ქმნის. ზემოდან ტორტი შეგიძლია მორთო თხილეულით.
ეს ტორტი ნებისმიერი დიასახლისის მხსნელად იქცევა. შესანიშნავი დესერტი სულ რაღაც რამდენიმე წუთში მზადდება.
გემრიელად მიირთვი და გაუზიარე რეცეპტი შენს მეგობრებსაც!
