კლიარი თხელი ცომია, რომელშიც ავლებენ პროდუქტებს და წვავენ. კლიარის მოსამზადებლად ერთმანეთში ურევენ კვერცხს, ფქვილს და რძეს ან სხვა სითხეს. კლიარის კონსისტენცია უნდა იყოს თხელი კრემის სისქის. კლიარს ზოგჯერ უმატებენ საფუარს ან სოდას. ზოგიერთი ხორცის ან თევზის კერძის მოსამზადებლად რძეს ცვლის ლუდით.
კლიარში ამოვლებულ პროდუქტებს შეწვის დროს გარშემო თანაბარი ხრაშუნა ფენა უკეთდება. კლიარის უმთავრესი მაჩვენებელი მისი წებოვანი კონსისტენციაა. იმისდამიხედვით თუ რა პროდუქტს ვავლებთ კლიარში, განისაზღვრება მისი სისქე. ამასთან, იგი შეიძლება იყოს როგორც მარილიანი, ასევე ტკბილიც დესერტისთვის. ზოგჯერ კლიარს გემოვნებით შეიძლება დაემატოს სხვადასხვა სანელებელი და მწვანილი.
მომზადების ხრიკები
აურიეთ ყველა ინგრედიენტი კარგად.
გამოაცალკევეთ ცილა და გული, ცილები დაამატეთ შეწვის დაწყებამდე.
კლიარის ჭურჭელი ცივ წყალში ჩადგით.
გაზიან წყალზე მომზადებული უფრო ჰაეროვანი გამოდის.
თუ ეს შესაძლებელია, წინასწარ მოამზადეთ, სასურველია გამოყენებამდე ერთი საათით ადრე.
კლიარის თანაფარდობა პროდუქტებთან, რომლებიც მასში ამოსავლებად გინდათ, უნდა იყოს 1: 1.
პოპულარული კლიარის რეცეპტები
კლასიკური კლიარი
ინგრედიენტები
0.5 ჭიქა წყალი
125 გრ ფქვილი
4 კვერცხი
1 ს.კ. მცენარეული ზეთი
მარილი გემოვნებით
მომზადება
კვერცხები გაყავით გული და ცილა ცალ-ცალკე, ცილა შეინახეთ მაცივარში. ათქვიფეთ გულები, დაამატეთ წყალი და ზეთი. ნელ-ნელა დაამატეთ ფქვილი, აურიეთ ნარევი მიქსერით. ათქვიფეთ ცილა მარილით, სანამ არ გათეთრდება, შეურიეთ დანარჩენ ნარევში. გააციეთ კლიარი და შეგიძლიათ გამოიყენოთ.
ყველიანი კლიარი
ინგრედიენტები
4 ს.კ. ფქვილი
3 ს.კ. მაიონეზი
4 კვერცხი
100 გრ მყარი ყველი
მარილი გემოვნებით
მომზადება
გახეხილი ყველი მაიონეზთან ერთად აურიეთ და დაამატეთ ეს მასა სხვა პროდუქტების ნარევს, მოამზადთ კლასიკური კლიარის მიხედვით.
დესერტის კლიარი
ინგრედიენტები
0.5 ჭიქა ცხიმიანი ნაღები
3 კვერცხის გული
3 ს.კ. ფქვილი
მარილი, შაქარი გემოვნებით
მომზადება
გულები კარგად ათქვიფეთ მარილით, დაამატეთ შაქარი, ათქვიფეთ, დაასხით ნაღები. შემდეგ დაამატეთ ფქვილი ნაწილებად, აურიეთ სანამ არ გახდება გლუვი.
ეს არის ძირითადი რეცეპტები, რომელშიც შეგიძლიათ დაამატოთ სხვა კომპონენტები თქვენი გემოვნებით.
