გემრიელი დესერტები სადღესასწაულო სუფრის განუყოფელი ნაწილია. თუმცა სასარგებლო და მსუბუქი ტკბილეულის მოსამზადებლად ყველა მიზეზი გამოდგება – მოამზადეთ უგემრიელესი შოკოლადის მუსი
შოკოლადის მუსი თქვენ ნებისმიერ სიტუაციაში გიხსნით. გააკვირვებს სტუმრებსაც და გაახარებს ყველა ტკბილის მოყვარულ ადამიანსაც. რაც მთავარია, მუსი მზადდება ჯანსაღი პროდუქტებისგან.
ინგრედიენტები
- 300 გ ხაჭო
- ასი მლ იოგურტი
- 1,5 ს. კ. კაკაოს ფხვნილი
- 3 ს. კ. შაქარი
- ათი გ ჟელატინი
- მეოთხედი ჭიქა წყალი
მომზადება
- ბლენდერის ჭურჭელში მოათავსეთ ხაჭო და იოგურტი, დაამატეთ შაქარი და კაკაოს ფხვნილი. კარგად ათქვიფეთ.
- ჟელატინი ჩაყარეთ თბილ წყალში და დატოვეთ იქ 25 წუთის განმავლობაში. შემდეგ გააცხელეთ, მაგრამ ადუღებამდე არ მიიყვანოთ. ურიეთ, სანამ ჟელატინი ბოლომდე არ გაიხსნება.
- გახსნილი ჟელატინი ჩაასხით ხაჭოს მასაში ისე, რომ არ შეწყვიტოთ თქვეფა. კარგად აურიეთ. გადაანაწილეთ დესერტი შესაბამის ჭურჭელში და შედგით მაცივარში მინიმუმ ორი საათით.
გთავაზობთ მომზადების ამსახველ ვიდეოს:
სულ ეს არის – გემრიელი და სასარგებლო დესერტი მზადაა! შეგიძლიათ მუსის მოსართავად გამოიყენოთ პიტნის ტოტები. ეს ჯანსაღი რძის პროდუქტებისგან მომზადებული ნუგბარი არავის დატოვებს გულგრილს. შეინახეთ რეცეპტი და გაუზიარეთ ის თქვენს მეგობრებსაც!
#drpkhakadze #გიორგიფხაკაძე #pitskhelauri #აქხარისხია #shenisupra.ge
გაიგეთ მეტი ჩვენს ტელეგრამ არხზე შემოგვიერთდით. ტელეგრამზე: https://t.me/SheniEkimi
📌 ამ სტატიის ციტირება (Vancouver)
SheniSupra.ge. უგემრიელესი და უნაზესი შოკოლადის მუსი [Internet]. თბილისი: Shenisupra.ge; 2026 [ციტირებულია: 2026 აგვ 26]. ხელმისაწვდომია: https://shenisupra.ge/%e1%83%a8%e1%83%9d%e1%83%99%e1%83%9d%e1%83%9a%e1%83%90%e1%83%93%e1%83%98%e1%83%a1-%e1%83%9b%e1%83%a3%e1%83%a1%e1%83%98/
shenisupra.ge
