ეს რეცეპტი მზადდება რძეზე. განსაკუთრებით გამოადგებათ დამწყებ მზარეულებს და იმ დიასახლისებს, რომელთაც საკმარისი დრო არასდროს აქვთ.
ცომის მომზადებას მხოლოდ 15 წუთი სჭირდება. შეგიძლიათ შეინახოთ იგი მაცივარში ორი ან სამი დღის განმავლობაში. ცომი სწრაფად არ მჟავდება. შეგიძლიათ გაყინოთ. მისგან მზადდება ორცხობილები და პატარა ფუნთუშები – ყველაფერი ძალიან ნაზი, რბილი, ფაფუკი, ჰაეროვანი და არომატული გამოდის, რამდენიმე დღის განმავლობაში ინახება.
რძეზე მომზადებული საფუვრიანი ცომი
ინგრედიენტები
500 მლ რძე
5 ჩ/ჭ. ხორბლის ფქვილი
2 ს/კ. შაქარი
0,5 ჩ.კ. მარილი
2 ს/კ. მზესუმზირის ზეთი
მშრალი საფუარი 11 გრ
მომზადება
ჩაყარეთ 4 ჭიქა ფქვილი და საფუარი თასში. შემდეგ თანდათანობით დაასხით თბილი რძე, დაამატეთ შაქარი, მარილი, მზესუმზირის ზეთი. აურიეთ ყველა ინგრედიენტი.
მუდმივი მორევის პროცესში დაამატეთ დარჩენილი 1 ჭიქა ფქვილი. მოზილეთ ცომი იქამდე, სანამ ის ხელებზე აღარ მიგეკრობათ.
მზა ცომი ჩადეთ ცელოფანში და შედგით მაცივარში.
შეგიძლიათ გამოიყენოთ ცომი 2 საათის შემდეგ. მაგრამ თუ ცომი მაცივარში დიდხანს დარჩება, არაფერი მოხდება. შეგიძლიათ გააკეთოთ ასეთი ცომი ღამით და მეორე დღეს რაიმე გემრიელი გამოაცხოთ.
შენი ქსელი: შენი ექიმი · შენი ამბები
