ფინიკის ნაყოფი, ჩირის სახით, ფართოდ გავრცელებული, ძალიან სასარგებლო და იმავდროულად, გემრიელი ნუგბარია.
ბევრი იმასაც კი ფიქრობს, რომ ადამიანს მხოლოდ ფინიკისა და წყლის მიღებით რამდენიმე წელი შეუძლია, იცოცხლოს, იმიტომ რომ ფინიკის ჩირი ყველა იმ ნივთიერებას შეიცავს, რაც ადამიანის ორგანიზმს სჭირდება.
ფინიკი სხვა ხილზე გაცილებით მეტ ნახშირწყლებს შეიცავს – დაახლოებით 65 პროცენტს.
მდიდარია რკინით, ალუმინით, სპილენძით, კალციუმით, კალიუმით, მანგანუმით, ფოსფორით, ნატრიუმით, კობალტით, მაგნიუმით, თუთიით, გოგირდით.
ფინიკის სამკურნალო თვისებები ძალიან კარგადაა ცნობილი – ის მატებს ძალასა და ენერგიას, ხელს უწყობს სიცოცხლის გახანგრძლივებას, აძლიერებს პოტენციას, დადებითად აისახება თირკმელებისა და ღვიძლის მუშაობაზე, კვებავს სისხლს, ებრძვის ინფექციებს. ხელს უწყობს ტვინის ღეროვანი დაბოლოებების განვითარებას. აძლიერებს ორგანიზმის ბრძოლას სხვადასხვა ინფექციის წინააღმდეგ, მათ შორის ვირუსების.
მასალის გამოყენების პირობები
