თქვენ შეგიძლიათ მოამზადოთ ასეთი დელიკატესი რამდენიმე ათეული რეცეპტის მიხედვით. პირადად ჩვენ მოგვწონს კერძის ეს ვერსია – სკუმბრია ქინძით.
ორიგინალურ რეცეპტში თევზი დამარინადებულია ქინძმარში. ჩვენ დავამატებთ რძეს. ეს თევზს უფრო რბილს გახდის. მწვანილი რა თქმა უნდა ახალი უნდა იყოს და უნდა მოაყაროთ თევზს, სანამ მიირთმევთ, რომ თავისებური სურნელი შესძინოს კერძს.
ინგრედიენტები
სკუმბრია 2-3 ცალი
წყალი 500 მლ
მარილი 4 ს.კ.
შაქარი 1 ს.კ.
დაფნის ფოთოლი 1 ცალი
დაფქვილი ქინძი 1 ჩ.კ.
შავი წიწაკა (ბარდა) 8 ცალი
ზეითუნის ზეთი 1 ს.კ.
ვაშლის ძმარი 1 ს.კ.
რძე 0,5 ჭიქა
ქინძი გემოვნებით
წითელი ხახვი გემოვნებით
მომზადება
პირველ რიგში მოამზადეთ მარინადი. ქვაბში შევურიოთ წყალს მარილი, შაქარი და სანელებლები. იქვე დაამატეთ ზეითუნის ზეთი და ძმარი. ინგრედიენტები აურიეთ.
მიიყვანეთ ნარევი ადუღებამდე საშუალო ცეცხლზე. შემდეგ გადმოიღეთ ღუმელიდან და გააცივეთ. ჩაასხით რძე უკვე გაცივებულ მარინადში. სითხე აურიეთ.
გავჭრათ სკუმბრია შუაზე, დავჭრათ ფილე ნაჭრებად. დაასხით მარინადი, დააფარეთ და 6 საათის განმავლობაში მოათავსეთ მაცივარში. სანამ მიიტანთ სუფრაზე, ამოალაგეთ თევზის ნაჭრები მარინადიდან. მოაყარეთ ახლად დაჭრილი ქინძი.
მაცივარში, ასეთი საჭმელი ერთ კვირაზე მეტხანს ინახება. გასინჯეთ, მარინირებული სკუმბრია ქინძთან და მოხარშულ კარტოფილთან. მიირთვით ჭვავის პურით, წითელი ხახვის რგოლებით და მწვანილებით. მოგწონთ რეცეპტი? გაგვიზიარეთ თქვენი აზრი კომენტარებში!
