ყველას სურს ჯანმრთელი და კარგ ფორმაში იყოს. ამისათვის დროდადრო დიეტას იცავენ. იმისთვის, რომ მას დადებითი ეფექტი ჰქონდეს, ვიტამინებით გაჯერებული დიეტა უნდა იყოს,
დაამატეთ რაციონს მეტი ხილი და ბოსტნეული. მოამზადეთ სალათი ორგანიზმის გაწმენდისთვის მხოლოდ ნედლი პროდუქტები გამოიყენეთ.
სალათი არის ორგანიზმისთვის გამაჯანსაღებელი
კომბოსტოსა და სტაფილოსგან
ინგრედიენტები კომბოსტო, სტაფილო, ვაშლი და ჭარხალი 100გ, 50 გ ქლიავი, 1 ჩ.კ. ლიმნის წვენი, 1 ს.კ. მცენარეული ზეთი
მომზადება:
დაჭერით გასუფთავებული ბოსტნეული დიდ ჯამში. კარგად აურიეთ. გახეხეთ ვაშლი და დაამატეთ. დააწვეთეთ რამდენიმე წვეთი ლიმნის წვენი და მცენარეული ზეთი. წინასწარ დაშაქრეთ ქლიავი და შემდეგ წვრილ ნაჭრებად დაჭერით. დაუმატეთ სალათს.
მწვანილით
ინგრედიენტები: 2 კიტრი, 1 მწვანე ხახვი, 1 ს.კ. მცენარეული ზეთი, 1 კონა ნებისმიერი მწვანილი, 2 ბოლოკი, მარილი
მომზადება:
გასუფთავებული კიტრი დაჭერით მრგვალ ნაჭრებად და მოათავსეთ ჯამში. დაამატეთ დაჭრილი ხახვი, ბოლოკი და ნებისმიერი მწვანილი. შეკმაზეთ მცენარეული ზეთით და მარილით.
ნიახურით და თხილით
ინგრედიენტები: 3 დიდი სტაფილო, 3 ნიახური, 100 გ ნებისმიერი თხილი, სელის მარცვლები, 2 ჩ.კ. ლიმნის წვენი ,მარილი
მომზადება:
გახეხეთ სტაფილო დიდ ჯამზე. წვრილად დაჭერით ნიახური და დაუმატეთ. დაჭყლიტეთ თხილი და სელის მარცვლებთან ერთად მოათავსეთ ბოსტნეულში. დაასხით ლიმნის წვენი, მარილი და კარგად აურიეთ.
ნიახურით და კომბოსტოთი
ინგრედიენტები: 4 ღერო ნიახური, 1,5 კგ კომბოსტო, 3 კიტრი, 2 მწვანე ხახვი, 1 ს.კ. ზეითუნის ზეთი, 1/2 ლიმონი, ოხრახუში
მომზადება:
გახეხეთ კომბოსტო, ხახვი და ნიახური, დაჭერით კიტრი თხელ ნაჭრებად. მოათავსეთ ყველაფერი დიდ ჯამში და კარგად აურიეთ ხელით. მოასხით ლიმნის წვენი და ზეითუნის ზეთი. აურიეთ. მიღებამდე ცოტახანი მაცივარში მოათავსეთ. მორთეთ მწვანილით.
ჭარხლის
ინგრედიენტები: 1 ჭარხალი, 1 სტაფილო, 1 ნიახური, 1 კონა ოხრახუში, 1/4 ჭიქა ზეითუნის ზეთი, 1 ს.კ. ლიმნის წვენი, 1 ს.კ. ვაშლის ძმარი, 1 ჩ.კ. ქურქუმა, მარილი და შავი პილპილი
მომზადება:
გაასუფთავეთ ჭარხალი, სტაფილო და გახეხეთ. წვრილად დაჭერით ნიახური და ოხრახუში. მოამზადეთ საკმაზი. აურიეთ ზეითუნის ზეთი, ლიმნის წვენი, ძმარი, მარილი და სუნელები. მოასხით სალათას და აურიეთ.
მიირთვით ეს სალათები განტვირთვის დღეებში და ზედმეტ წონას დაემშვიდობეთ.
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
