ორსულობა და ჯანსაღი კვება ეს დედის პირველი საჩუქარია ბავშვისთვის
ორსულობა ქალის ცხოვრებაში განსაკუთრებული გარეგნობა პერიოდია. ერთ-ერთი მნუშვნელოვანი ფაქტორი ასეთ მდგომარეობაშო სწორი კვებაა
ორსულის ორგანიზმს მეტი ცილა, რკინა, კალციუმი, ფოლიუმის მჟავა, იოდი და სხვა მიკროელემენტები სჭირდება – მან ხომ ერთის ნაცვლად ორი სიცოცხლის უზრუნველყოფა უნდა შეძლოს. სწორედ ბალანსირებული კვება ახდენს ანემიის, მიკროელემენტთა დეფიციტის, ნაადრევი მშობიარობის, ნაყოფის ჰიპოტროფიის და სხვა გართულებების პრევენციას.
როცა საქმე ორსულის დღიურ რაციონზე მიდგება, უმეტესობას ჰგონია, ამ დროს საკვების ორმაგი რაოდენობით მიღებაა მთავარი. სინამდვილეში, თუ რამის გაორმაგებაზე ვისაუბრებთ, ეს, უპირველესად, არა საკვების რაოდენობას, არამედ მის ხარისხს ეხება. ტკბილეული, შაშხი და სხვა არაჯანსაღი პროდუქტი ორმაგადაც რომ მიიღოთ, ბავშვს საჭირო ნივთიერებებით ნამდვილად ვერ უზრუნველყოფთ.
ორსულობისას წონა თანდათან უნდა მოიმატოთ. პირველ ტრიმესტრში მისი ნამატი, წესისამებრ, უმნიშვნელოა, მესამე ტრიმესტრში კი მაქსიმუმს აღწევს. ექიმების რეკომენდაციით, მთელი პირველი ტრიმესტრის განმავლობაში წონის ნამატი 900-დან 1800 გრამამდე უნდა იყოს, მეორე და მესამე ტრიმესტრებში კი ყოველთვიურად 1360-1800 გრამის მომატებაა ნებადართული. ე.ი. მთელი ორსულობის განმავლობაში წონის ოპტიმალური ნამატი 10-15 კილოგრამია.
თქვენი საკვები მეტ ცილას და ნაკლებ ცხიმსა და შაქარს უნდა შეიცავდეს. მენიუდან ცხიმის სრულიად ამოღება არ შეიძლება – ის ორგანიზმისთვის ენერგიის წყაროა და ტვინის ნორმალურ განვითარებას უწყობს ხელს.
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
მასალის გამოყენების პირობები
