14/12/2020
გაეროს გენერალური მდივნის მრჩეველი ჯანდაცვის საკითხებში გიორგი ფხაკაძე საქართველოში პირბადეების ფასის 15 თეთრამდე შემცირებას ითხოვს. როგორც მან „2020NEWS“-თან საუბრისას განაცხადა, პანდემიის დროს პირბადეებზე ფულის შოვნა არის ღალატი.
მისივე თქმით, ფარმაკომპანიები და აფთიაქები პირბადეების რეალიზაციაზე 200 და 300 პროცენტიან მოგებას აკეთებენ, რაც მიუღებელია.
„ჩვენ ვამბობთ, რომ კორონავირუსთან ბრძოლაში ერთ-ერთი საუკეთესო წამალი და „ვაქცინა“, რაც გვაქვს, არის პირბადე. მე მქონდა კონტაქტი პირბადეების რამდენიმე მწარმოებელთან და დავადგინე, რომ ამ პირბადის თვითღირებულება არის 13 თეთრი. ეს არის საქართველოში დამზადებული პირბადეების ფასი. კითხვა მაქვს, მაშინ რატომ იყიდება ეს პირბადე 40 და 60 თეთრად და ზოგჯერ უფრო ძვირადაც? პრობლემა, რომ ფარმაკომპანიები და აფთიაქები 200 და 300 პროცენტიან მოგებას აკეთებენ. ჩემთვის, როგორც ექიმისა და საზოგადოებრიცვი ჯანდაცვის ექსპერტისათვის, ეს მიუღებელია. ამ ეპიდემიის დროს პირბადეებზე ფულის შოვნა არის ღალატი და დანაშაული“, – განაცხადა გიორგი ფხაკაძემ სააგენტოსთან საუბრისას.
გაეროს გენერალური მდივნის მრჩეველმა პირბადეების ფასის შემცირებისაკენ მოწოდება საკუთარი ფეისბუქ გვერდიდანაც გააკეთა. ის საქართველოს მოქალაქეებს მოუწოდებს, რომ ყველგან მოითხოვონ 15 თეთრიანი პირბადე.
„აქტიურ მოქალაქეებს მოვუწოდებ, ყველგან მოითხოვონ 15 თეთრიანი პირბადე, ეს იქნება აფთიაქების და ფარმაკომპანიების ფეისბუკ გვერდებზე, თუ სხვაგან. ვნახოთ, რომელი კომპანია გამოგვეხმაურება, მას გავუწევ უფასო რეკლამას“, – აცხადებს ფხაკაძე.
შეგახსენებთ, საქართველო კორონავირუსის გავრცელების მასშტაბით ერთერთ-პირველ ადგილზეა. ჯანმოს მონაცემებით, საქართველოს ვირუსის გავრცელებით 9 პროცენტიანი ზრდა აქვს, ხოლო სიკლვდილიანობის თვალსაზრისით 8 პროცენტიანი ზრდა დაფიქსირდა.
Professor Giorgi Pkhakadze, MD, MPH, PhD
#drpkhakadze #გიორგიფხაკაძე #accreditationge
Профессор Гиорги Пхакадзе. #ПрофессорПхакадзе
https://youtube.com/@drpkhakadze
Prepared by: ირინა დათაშვილი #datashvil
