თქვენს წინაშეა დიეტური და ამავე დროს ძალიან სასარგებლო სალათი, რომლის მომზადება ძალიან მარტივია. თუ თქვენ ზედმეტი კილოგრამების მოშორება გსურთ და ჯანსაღადაც იკვებებით, ეს სალათი სწორედ თქვენთვისაა.
ინგრედიენტები:
- კიტრი – 400 გრ.
- მარილი – 0,5 ჩაის კოვზი
- იოგურტი – 250 მლ.
- ნიორი – 2-3 კბილი
- პიტნა – 2-3 ც.
- მწვანილი – ½ კონა ოხრახუში, ნიახური
- წითელი წიწაკა – ¼ ჩაის კოვზი
- შავი წიწაკა – ¼ ჩაის კოვზი
ულუფების რაოდენობა: 2
მომზადების მეთოდი:
- ყველა ინგრედიენტი მოიმარაგეთ. იოგურტი კლასიკური უნდა იყოს, ყოველგვარი დანამატების გარეშე და რაც მთავარია, უშაქრო. კიტრი, პიტნა და მწვანილი კარგად გარეცხეთ. ნიორი გაასუფთავეთ.
- დასაწყისისთვის სოუსი მოამზადეთ. იოგურტში ჩაყარეთ დაჭყლეტილი ნიორი.
- სოუსს ჩაამატეთ ორივე სახის წიწაკა და მარილი თქვენი გემოვნებით. ყველა ინგრედიენტი კარგად აურიეთ.
- საბოლოოდ საკაზმი ასეთი ლამაზი უნდა გამოვიდეს.
- კიტრი პატარა კუბიკებად დაჭერით.
- მწვანილი და პიტნა წვრილად დააქუცმაცეთ.
- ყველა ინგრედიენტი სოუსში მოათავსეთ და კარგად ამოურიეთ. თქვენი სალათი მზად არის.
- მაგიდასთან საშუალო ზომის ფინჯნებით მიიტანეთ.
გემრიელად მიირთვით!
#drpkhakadze #gochadze #shenisupra
