ჯანმრთელობის მსოფლიო ორგანიზაციაში ახალი კომისია შეიქმნა, რომელიც მარტოობის ადამიანის ჯანმრთელობაზე გავლენის შესახებ ცნობიერებას გაზრდის. წერს The Guardian-ი.
კომისიას „სოციალური კავშირების საკითხებზე“ ამერიკელი ქირურგი ვივეკ მერტი უხელმძღვანელებს, რომლის თქმითაც, მარტოობასა და სოციალურ იზოლაციას ისეთივე ნეგატიური გავლენა აქვს ადამიანის ჯანმრთელობაზე, როგორც დღეში 15 ღერი სიგარეტის მოწევას.
ჯანმოში მიიჩნევენ, რომ მარტოობა გლობალური პრობლემაა. სოციალური იზოლაცია და მარტოობა შფოთვის, დეპრესიის, დემენციის, გულ-სისხლძარღვთა დაავადებებისა და ინსულტის რისკებს ზრდის და ხშირად სუიციდის მიზეზი ხდება.
„[მარტოობა] სცილდება საზღვრებს და ხდება გლობალური საზოგადოებრივი ჯანმრთელობის პრობლემა, რომელიც გავლენას ახდენს ჯანმრთელობის, კეთილდღეობისა და განვითარების ყველა ასპექტზე,” – თქვა მპემბამ. ”სოციალურმა იზოლაციამ არ იცის ასაკი და საზღვრები.”
საერთაშორისო კომისია მარტოობის საკითხზე 3 წლის განმავლობაში იმუშავებს. პირველი სხდომა დეკემბერში გაიმართება.
მასალის გამოყენების პირობები
