shenisupra.ge კიდევ ერთ საინტერესო ინტერვიუს გთავაზობთ მიმტანთან, რომლის პროფესიაც დღეს საქართველოში ერთ-ერთი ყველაზე მოთხოვნადია:
– გიორგი, რამდენი ხანია, მინტანი ხართ?
– უკვე 12 წელია.
–საინტერესოა, რა გარემოებებმა აგარჩევინათ ეს პროფესია?
-როცა ამ სფეროში შემოსვლა გადავწყვიტე, ჩემი მიზანი იყო ყველა პოზიციის შესწავლა და სამომავლოდ საკუთარი ობიექტის გახსნა…
– სამსახურის პირველი დღეები რომ გაიხსენოთ, როგორი დამოკიდებულება ჰქონდათ მენეჯერებს?
-იდეალური, პირველ დღეებში მხოლოდ გადმოცემით ვიცოდი, რა უნდა გამეკეთებინა, ამის მიუხედავად, არანაირი უარყოფითი ემოცია ან შენიშვნა არ წამოსულა მენეჯერებისგან…
–მოგეხსენებათ, პირველი დღეები არც ერთ სამსახურში არ არის მარტივი, თქვენ შემთხვევაში როგორ იყო?
-თავს იდეალურად ვგრძნობდი, იმდენად კარგი “სტაფი” და მენეჯერები დამხვდა, თავი სახლში მეგონა, მინდა ვთქვა, რომ ნამდვილად კარგი ატმოსფერო ჰქონდათ შექმნილი.
– მომხმარებლების დამოკიდებულებაზე რას გვეტყვით?
-ეს ძალიან ინდივიდულურია, განსხვავდება ყველა ობიექტი თავისი მომხმარებლებით, ყველანაირი კატეგორიის ადამიანს ვხვდებით…
–მიმტანების ახლანდელ რეალობაზე რას გვეტყვით, როგორი მდგომარეობაა?
-ახლანდელი მოცემულობით ნამდვილად არ არის კარგი მდგომარეობა, ვფიქრობ, ეს ყველაფერი არის არაპროფესიონალი მენეჯერების ბრალი, რაც ხდება, ზოგადად, ობიექტებზე. მენეჯერობა მხოლოდ თანამდებობაა და, სამწუხაროდ, ამ სტატუსს არასწორად აღიქვამს ზოგიერთი…
–საინტერესოა, უშუალოდ , დამსაქმებლებს რა რჩევებს მისცემდით?
-დამსაქმებებლებს ვეტყოდი, რომ ანაზღაურება შრომის შესაბამისი უნდა იყოს. ასეთ შემთხვევაში ორივე მხარე დარჩება კმაყოფილი. მიმტანებს ძალიან დიდი როლი აკისრიათ ამ სფეროში, თუმცა ყველა ვერ აანალიზებს ამას…
– და ინტერვიუს ბოლოს, მაინტერესებს, იმ ახალგაზრდებს რა რჩევებს მისცემდით, რომლებიც ახლა გადიან თქვენს გავლილ გზას?
-მთავარია, მიუდგნენ ისე, როგორც პროფესია და არა – სამსახური, ვფიქრობ, ამით ყველაფერი ნათქვამია…
ავტორი: მაგდა ალანია
