31 იანვარი, 2022
აკრედიტაცია საზღვრების გარეშე“ ხელმძვანელი, პროფესორი გიორგი ფხაკაძე დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებას ეხმაურება:
„საქართველოში ჩინური ვაქცინების გამოყენება უნდა შეჩერდეს, ვინაიდან უკვე არსებობს არაერთი კვლევა, რომ ეს ვაქცინები დაბალეფექტიანია, განსაკუთრებით კოვიდის ახალი შტამების წინააღმდეგ (დელტა/ომიკრონი).
დაავადებათა კონტროლის ცენტრის ხელმძღვანელის დღევანდელი განცხადება, თითქოს „ჩინური ვაქცინების ბუსტერი ეფექტურია“ – ეს არის უკვე ყველა ჩარჩოდან ამოვარდნილი ტყუილი“, – წერს გიორგი ფხაკაძე.
დაავადებათა კონტროლის ეროვნული ცენტრის ხელმძღვანელი, ამირან გამყრელიძე აცხადებს:
„ომიკრონის“ წინააღმდეგ „სინოფარმისა“ და „სინოვაკის“ ბუსტერებიც ეფექტურია. „ომიკრონის“ შემთხვევებში რეინფიცირება მაღალია. ადამიანებმა, რომლებმაც გადაიტანეს „დელტა“, მათაც ემართებათ. დღეს ჩვენი მთავარი მოწოდება უნდა იყოს, – ყველა ადამიანი, ის მილიონ ორასი ათასი ადამიანი, ვინც აცრილია ორჯერადად, მიბრძანდნენ ამცრელ პუნქტებში და გაიკეთონ ბუსტერი. ახალი კვლევებით, – ინოფარმის“ ბუსტერი, ანუ მესამე დოზაც სერიოზულად გამოიმუშავებს მანეიტრალებელ ანტისხეულებს „ომიკრონის“ მიმართ. ბუსტერი, როგორც „ფაიზერით“, ისე „სინოვაკით“ თუ „სინოფარმით“, აუცილებელია“.
Professor Giorgi Pkhakadze, MD, MPH, PhD
https://youtube.com/@drpkhakadze
—
ავტორი: ირინა დათაშვილი #datashvil
