საუზმე ავტომატურად ჯანსაღი დილის ქონას ნიშნავს. დილა ახალი დღის დასაწყისია და დიდ გავლენას ახდენს იმაზე, თუ როგორ გავატარებთ დღის დანარჩენ ნაწილს, ამიტომ ნუ უგულებელყოფთ იმ კომპონენტებს, რომლებიც თქვენს ცხოვრებას ჯანსაღად აქცევს.
ექიმები გვარწმუნებენ, რომ ადამიანები, რომლებიც დილით იკვებებიან, უფრო პროდუქტიულები არიან დღის განმავლობაში, ვიდრე ისინი, ვინც უარს ამბობენ საუზმეზე. ასევე ეს ადამიანები უფრო ძნელად იღლებიან და ინარჩუნებენ ენერგიას მთელი დღის მანძილზე. შეიძლება გაგიკვირდეთ, მაგრამ ის ადამიანები, რომლებიც დილით არ საუზმობენ, უფრო მარტივად იმატებენ წონაში. რა თქმა უნდა, აქვს მნიშვნელობა, თუ რას მიირთმევთ საუზმედ – თუ ეს არის ჯანსაღი ცილები, მარცვლეული, რძის ნაწარმი, მაშინ სწორ გზაზე დგახართ.
ჯანსაღი საუზმე გონების სტიმულატორიცაა – ის კვებავს ტვინს, გლუკოზის დონის დაბალანსება კი ფოკუსირების, მსჯელობისა და ინფორმაციის დამუშავების უნარს გამოგიმუშავებთ.
