ზოგი დღესასწაული, მათ შორის ახალი წელიც, ჩვენში ორჯერ აღინიშნება და, შესაბამისად, პურმარილები და წვეულებებიც გაორმაგებული დოზებით გვაქვს, გთავაზობთ დაიცვათ საახალწლო დიეტა
საახალწლო დიეტა საჭიროა დავიცვათ, გარდა იმისა, რომ სწრაფად გასუქება ავიცილოთ თავიდან, არამედ ორგანიზმს ავაცილოთ ზედმეტი დატვირთვა და გართულებები.
პირველი დღე – 1 კილოგრამი ვაშლი და 1 კილოგრამი კიტრი (გათლილი) დღის განმავლობაში თანაბრად გადაანაწილეთ და კვებასა და კვებას შორის შუალედები თავად გამოთვალეთ.
მეორე დღე – 1 კილოგრამი მოხარშული კარტოფილი, 1 კონა მწვანე ხახვი, ყველანაირი მწვანილი, 1 კონა სალათის ფოთლები დაჭერით, აურიეთ ერთმანეთში, მოასხით 1 სადილის კოვზი ძმარი, მოაყარეთ ცოტა მარილი და მიირთვით მთელი დღის განმავლობაში.
მესამე დღე – ნებისმიერი ხილის ახალგამოწურული წვენი (უშაქრო) – 2 ლიტრი დღის განმავლობაში.
მეოთხე დღე – მოამზადეთ სალათა ნახევარი კილოგრამი უმი კომბოსტოს (შეგიძლიათ, ჩაანაცვლოთ ოდნავ მოწალული ყვავილოვანი კომბოსტო ან ბროკოლი, 2 ცალი უმი სტაფილოსა და 3 ცალი გათლილი კიტრით და მიირთვით მთელი დღის განმავლობაში.
მეხუთე დღე – მოამზადეთ 2 ცალი ბანანის, 2 ცალი ფორთოხლის, 2 ცალი ვაშლის, 2 ცალი გრეიპფრუტისა და 2 ცალი მსხლის ასორტი, გაანაწილეთ 5-6 ულუფაზე და მიირთვით მთელი დღის განმავლობაში.
სითხე – დღის განმავლობაში 2-2,5 ლიტრი.
თუ ამხელა შუალედის გაკეთება არ შეგიძლიათ, არადა, ისევ წვეულებაზე ხართ დაპატიჟებული, შეგიძლიათ, ეს ხუთი დღე „დაშალოთ” და თითო ან ორ-ორი დღე საჭირო ადგილას „ჩასვათ.”
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
შენი ქსელი: შენი ექიმი · შენი ამბები
