ზოგჯერ დიასახლისს ბევრი ფიქრი უწევს იმაზე, თუ რა მოამზადოს სადილად. განსაკუთრებით კი “იდეებით შეშველება” მაშინაა საჭირო როცა წვნიანი დგას დღის რეჟიმში
წვნიანი ზამთრის ცივ დღეებში ძალიან სასარგებლო და სასიამო კერძია. გთავაზობთ წვნიანის რეცეპტს. რომელიც თქვენი ზამთრის მენიუს გაამრავალფეროვნებს.
არომატული წვნიანი ქათმითა და ყველით
დაგჭირდებათ: 300 გ ქათმის ხორცი; 3 კუბი მდნარი ან ჩვეულებრივი ცხიმიანი ყველი; 3 ცალი კარტოფილი; 1 ცალი სტაფილო; 1 ცალი ხახვი; კამა, ზეთი; მარილი და პილპილი – გემოვნებით.
მომზადება: მოხარშეთ ქათამი (პირველი ნახარში გადაღვარეთ). ამოიღეთ ბულიონიდან, დაანაწევრეთ, გამოაცალეთ ძვლები და ისევ ბულიონში ჩააბრუნეთ. დაუმატეთ კუბებად დაჭრილი კარტოფილი, სტაფილო (ან გახეხილი). წვრილად დაჭრილი ხახვი მოხრაკეთ და დაუმატეთ სუპში. ბოლოს ჩააგდეთ ყველი და პილპილ-მარილი. სუფრაზე მიტანის წინ მოაყარეთ კამა (ან სხვა სასურველი მწვანილი). გემრიელად მიირთვით!
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
შენი ქსელი: შენი ექიმი · შენი ამბები
