არაქისის კარაქი საქართველოში უფრო და უფრო პოპულარული ხდება, ის უყვართ ბავშვებს, მოზარდებს და ჩვენს ოთხფეხა მეგობრებსაც კი საკმაოდ იზიდავს
არაქისის კარაქი რომ გემრიელი და ძალიან სასარგებლო პროდუქტია, ეს ქართველმა მომხმარებელმა, შეიძლება ითქვას, სულ ცოტა ხნის წინ გაიგო. აი, ამერიკასა და ევროპაში კი მიწის თხილის კარაქს დიდი ხანია, კარგადაც იცნობენ და აფასებენ კიდეც. განსაკუთრებით პოპულარულია არაქისის კარაქიანი ბუტერბროდები, რომლებიც სამართლიანად არის მიჩნეულია საუკეთესო ხემსად როგორც დიდებისთვის, ასევე ბავშვებისთვის.
დღეს ბაზარზე არაქისის კარაქის რამდენიმე სახეობა არსებობს, რომლებიც ერთმანეთისგან წარმოების ტექნოლოგიით განსხვავდება: ამაში იგულისხმება არაქისის მარცვლების დაფქვის ხარისხი და ასევე, დანამატების არსებობა ან არარსებობით. არაქისის კარაქის დანამატებად ხშირად გამოიყენება, მაგალითად, ცუკატები (ციტრუსის დაშაქრული კანი), ქოქოსის ფანტელები, შაქარი, თაფლი, შოკოლადი და, თქვენ წარმოიდგინეთ, ჩილი (ცხარე წითელი წიწაკა) და ნიორიც კი.
100 გრ. არაქისის კარაქის კალორიაა 582 კკალ.; იმისთვის, რომ დანაყრდეთ და ძალები მოიკრიბოთ, საკმარისია ერთი ბუტერბროდი არაქისის კარაქით. პროდუქტს მაღალი გაჯერების ინდექსი აქვს, რადგან დიდი რაოდენობის შეიცავს საკვებ ბოჭკოსა და ცილას. თუკი თქვენ წონას აკონტროლებთ ან წონის დაკლება გსურთ, დიეტოლოგების რეკომენდაციაა, რომ არაქისის კარაქი საუზმეზე მიირთვათ და დღის ულუფამ 30 გრ-ს არ გადააჭარბოს.
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
მასალის გამოყენების პირობები
