მარწყვი წელიწადში მცირე დროით გვანებივრებს, ამიტომაც საჭიროა მისი მაქსიმალურად გამოყენება მოვასწროთ. შეგიძლიათ ნედლი მარწყვი ზამთრისთვის გაყინოთ და შემდეგ მისგან ფხვიერი ნამცხვარი გამოცხვოთ.

ფხვიერი ნამცხვარი ჯადოსნური გემოთი

ინგრედიენტები: 250 გ ფქვილი, 400 გ მარწყვი, 400 გ ხაჭო, 125 გ ნაღების კარაქი, 200 გ არაჟანი, 3 კვერცხი, 11 ს.კ. შაქარი, 2 ს.კ. სახამებელი, 0,5 ჩ.კ. მარილი, 0,5 ჩ.კ. დარიჩინი, შაქრის პუდრა

მომზადება

ჯამში გაცერით ფქვილი, დაუმატეთ მარილი და 3 კოვზი შაქარი. აურიეთ.

ფხვიერი ნამცხვარი მარწყვით - მზა დესერტი

ფქვილს შეურიეთ კუბიკებად დაჭრილი ნაღების კარაქი. ერთგვაროვანი მასა უნდა გამოგივიდეთ.

ინგრედიენტები ფხვიერი ნამცხვრის მოსამზადებლად

დაუმატეთ 1 კვერცხი და მოზილეთ ცომი. თუ ხელში მსოახელთებელი არაა, რამდენიმე კოვზი ცივი წყალი დაუმატეთ.

ცომის მომზადება ფქვილითა და კარაქით

ცომი გამოსაცხობ ფორმაში გადაიტანეთ და გვერდები მოუმრგვალეთ. ცოტახანი მაცივარში მოათავსეთ.

ხაჭოს შიგთავსის მომზადება ნამცხვრისთვის

შეუდექით შიგთავსს. დარჩენილი კვერცხი გაყავით გულებად და ცილებად. გულები ათქვიფეთ, დაამატეთ არაჟანი, ხაჭო, სახამებელი და 6 კოვზი შაქარი. ყველაფერი მიქსერით აურიეთ.

მარწყვის განაწილება ნამცხვარზე

ცალკე ათქვიფეთ ცილა. დაუმატეთ ხაჭოს მასას. მიიღებთ ჰაეროვან, ფუმფულა მასას.

ნამცხვრის ცხობა ღუმელში

ცომის ფორმა გამოიღეთ მაცივრიდან და მასზე ხაჭოს მასა მოათავსეთ. გამშრალი მაწრყვი ზევიდან გაანაწილეთ. დარჩენილი შაქარი და დარიჩინი აურიეთ და ნამცხვარს ზევიდან მოაყარეთ. ღუმელში 40 წუთით შედეთ. გაციების შემდეგ შაქრის პუდრა მოაყარეთ.

გაციებული ფხვიერი ნამცხვარი შაქრის პუდრით