რაჰათ-ლუხუმი ბევრისთვის საყვარელი დესერტია. სხვა აღმოსავლური ტკბილეულის მსგავსად, ის სახლის პირობებში მარტივად მზადდება და ინგრედიენტებიც საკმაოდ ხელმისაწვდომია.
რაჰათ-ლუხუმი სხვადასხვა თხილეულით დამზადებული გამოდის ჰაეროვანი. მსუბუქი და არომატული.
ინგრედიენტები
- 130 გ სიმინდის სახამებელი
- 400 მლ ბროწეულის ან სხვა ხილის წვენი
- 100 გ ფისტა ან სხვა თხილეული
- 50 გ ქოქოსის ფანტელი
- 800 გ შაქარი
- ორი ჩ. კ. ლიმონის წვენი
- 300 მლ წყალი
მომზადება
1. შაქარი ჩაყარეთ პატარა ქვაბში და დაამატეთ წყალი ლიმონის წვენთან ერთად. დაბალ ცეცხლზე გააჩერეთ 15 წუთი და თან ურიეთ.
2. ბროწეულის წვენი ჩაასხით ცალკე ქვაბში. დაამატეთ სახამებელი და კარგად მოხარშეთ, თან ურიეთ.
3. შემდეგ ნაწილ-ნაწილ დაამატეთ შაქრის სეროფი და თან განუწყვეტლივ ურიეთ. ძალიან დაბალ ცეცხლზე მოხარშეთ გასქელებამდე და ლამაზი წითელი ფერის მიღებამდე.
4. როცა მასა გახდება გამჭვირვალე და სქელი, ჩაამატეთ თქვენთვის სასურველი თხილეული: ფისტა, ნიგოზი, ქეშიუ ან მიწისთხილი.
5. სილიკონის ფორმას მოაყარეთ ქოქოსის ფანტელი და ჩაასხით მასში რახათ-ლუხუმი. ფანტელები მოაყარეთ ზემოდანაც. დესერტი შედგით მაცივარში მთელი ღამით. მზად არის! ფანტელის ნაცვლად შეგიძლიათ სახამებლის მოფრქვევაც.
რახათ-ლუხუმის მოსამზადებლად სხვადასხვა წვენს იყენებენ, მათ შორის, ყურძნისას. ეს აღმოსავლური დესერტი ვიზუალურადაც ძალიან ლამაზია და განაკვეთზე ძვირფას ქვას ჰგავს. შეგიძლიათ გამოიყენოთ ასევე ვაშლისა და სტაფილოს წვენებიც.
თუ მოგეწონათ ჩვენი რეცეპტი, გაუზიარეთ ის თქვენს მეგობრებსაც!
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
შენი ქსელი: შენი ექიმი · შენი ამბები
