რძის ნაწარმს შორის ერბო ერთ-ერთი ყველაზე სასარგებლო პროდუქტია. მას თხევად ოქროსაც კი უწოდებენ. ზოგ ქვეყანაში, მაგალითად, ინდოეთში ერბოს სამკურნალო საშუალებადაც იყენებენ. ჩვენ მოგიყვებით, რა სარგებლობა მოაქვს ერბოს ორგანიზმისთვის.
ერბოს სასარგებლო თვისებები
- განამტკიცებს იმუნიტეტს.
ერბოს მაღალი კალორიულობა აქვს და სწრაფად ანაყრებს ორგანიზმს. გარდა ამისა, ის A, D, E ვიტამინების მდიდარი წყაროა.
- ხელს უწყობს წონაში კლებას
ერბოში შემავალი ცხიმოვანი მჟავების უმრავლესობა უჯერია. ისინი სწრაფად შეიწოვება და ხელს უწყობს ნივთიერებათა ცვლის გაუმჯობესებას. ამდენად, არ გროვდება ორგანიზმში ცხიმოვანი ჩანართების სახით.
- აუმჯობესებს კანის მდგომარეობას
კოსმეტოლოგები ერბოს იყენებენ, როგორც კანის მალამოს. ის სწრაფად შეიწოვება და კანის ფორებიდან გამოაქვს ტოქსინები და მარილები. ერბოს გამოყენების შემდეგ კანი რბილი და ელასტიური ხდება.
- საუკეთესოა პროდუქტის შეწვისთვის
ერბო გაცხელებისას არ კარგავს სასარგებლო თვისებებს, პროდუქტს, კი – ბოსტნეული იქნება ეს თუ ხორცი, სასიამოვნო კარაქის გემოს ანიჭებს.
- ებრძვის ანთებითპროცესებს
ერბოსა და თაფლის ნარევი საუკეთესოა ყელის ტკივილის დროს. ცივ პერიოდში, როცა ცხვირის კანი გამომშრალია, დარბილების მიზნით, წაისვით ერბო ნესტოებთან. მიგრენის დროს ერბოს შეურიეთ ზაფრანა, ილი ან ცერეცო და რაღაც პერიოდი გაიჩერეთ პირის ღრუში.
ერბო ძალიან სასარგებლოა, თუმცა, როგორც სხვა პროდუქტების, არც მისი ჭარბი რაოდენობით მიღება შეიძლება. მოიხმარეთ მხოლოდ ზომიერად .
გისურვებთ ჯანმრთელობას!
