შვრია რომ სასარგებლო პროდუქტია, ეჭვი არავის ეპარება. თუმცა ბევრს მისი გემო არ მოსწონს, განსაკუთრებით ბავშვებს. ბავშვთა კვება ძალიან მნიშვნელოვანია ბავშვის სწორი განვითარებისთვის

ბავშვთა კვება და მასში შემავალი ყველა ელემენტი მნიშვნელოვანია. დღეს გთავაზობთ მსუბუქი და სასარგებლო შვრიის ფუნთუშის რეცეპტს. ის ამავე დროს დაბალკალორიულიცაა.

ინგრედიენტები

250 გ ხაჭო
70 გ შვრიის ფქვილი
160 გ ფქვილი
ერთი ს. კ. ზეთი
ათი გ გამაფხვიერებელი
ნახევარი ჩ. კ. მარილი

მომზადება

პირველ რიგში გახეხე სტაფილო წვრილ სახეხზე. დაამატე შვრიის ფქვილი, მარილი და ხაჭო.

შვრიის ფუნთუშის ინგრედიენტები - ხაჭო, შვრიის ფქვილი და ფქვილი

ფქვილი და გამაფხვიერებელი გაცერი და ჩაამატე ხაჭოს მასას. აურიე კარგად კოვზით.
მოზილე რბილი ელასტიური ცომი. ის ცოტათი უნდა ეკვროდეს ხელებს. საჭიროების მიხედვით, ფქვილი შეგიძლია ცოტათი მოაკლო, ან მოუმატო. ყველაფერი დამოკიდებულია ხაჭოს სისველეზე.

შვრიის ფუნთუშების ცომის მომზადება და ფორმირება

მზა ცომი გაყავი 6 ტოლ ნაწილად და თითოეულს მიეცი სასურველი ფორმა. ზემოდან გაუკეთე ჩაჭრა. გადაიტანე პერგამენტიან საცხობ ფორმაზე.
ფუნთუშებს წაუსვი წყალი და მოაყარე შვრიის წვრილი ფანტელი. ასევე შეგიძლია მოაყარო სეზამი ან სელის თესლი.
გამოაცხე 220 გრადუსზე ათი წუთის მანძილზე. შემდეგ დაუწიე 180 გრადუსამდე და აცხე კვლავ 20 წუთი.

მზა გამომცხვარი შვრიის ფუნთუშები საცხობ ფორმაზე