პოპულარული რეცეპტი, რომლითაც მჟავე კიტრი ყოველთვის გამოდის ხრაშუნა და გემრიელი.

ყოველთვის ვცდილობ კიტრის მწნილი იყოს ხრაშუნა, მაგრამ ყოველთვის არ გამოდის. აღმოვაჩინე რეცეპტი, რომელსაც ჩემი მეგობარი იყენებს, მისი მომზადებული კიტრი ყოველთვის გამოირჩევა დახვეწილი გემოთი და რაც მთავარია, ახალივით ხრაშუნაა.

რეცეპტი გათვალისწინებულია 3 ლიტრიან ქილაზე

კიტრი

2 ს/კ. მარილი

5 ს/კ. შაქარი

1.5 ჩ/კ. ლიმონის მჟავა

მოცხარის ფოთლები და ხრენი

დაფნის ფოთოლი

ხმელი კამა

შავი პილპილის კაკლები

ნიორი

მომზადება

ქილაში ჩააწყვეთ დაფნის 2 ფოთოლი, 2 კბილი ნიორი, ხმელი კამა, მოცხარის და ხრენის ფოთლები.

შემდეგ მჭიდროდ ჩააწყვეთ კიტრი,დაასხით მდუღარე წყალი, 10 წუთის შემდეგ გადაწურეთ.

კვლავ დაასხით მდუღარე წყალი, გააჩერეთ 10-15 წუთი და გადაწურეთ ემალის ჭურჭელში. ამ წყლისგან მოამზადეთ მარილწყალი.

წყალს დაამატეთ მარილი, შაქარი, ლიმონის მჟავა, წამოადუღეთ და დაასხით ქილას. შეფუთეთ, რომ ნელა გაცივდეს. ასეთი სახით შეგიძლიათ მეორე დღესვე მიირთვათ.