მოსახლეობის დიდი ნაწილი მარწყვის გარეცხვისას ერთ შეცდომას უშვებს.
გამდინარე წყლის ქვეშ ამყოფებენ ხოლმე, რადგან თვლიან, რომ ასე მარწყვი უფრო კარგად გაირეცხება და ჩამოშორდება მიწის ის ნაწილი, რომელიც შეიძლება, მარწყვზე იყოს. თუმცა ეს მცდარი მიდგომაა. სწორედ ამ ჭავლის გამო, მარწყვის ძალიან სათუთი ზედაპირი ირღვევა და შესაბამისად, უფრო მარტივად ფუჭდება. ობს უფრო მარტივად იკიდებს, როცა მთლიანობა დარღვეულია.
გასწავლით ხერხს, რომლითაც შეიძლება, მარწყვი უფრო მარტივად გაირეცხოს, არ დაზიანდეს და თავისი სილამაზე და გემოვნური თვისებები შეინარჩუნოს. ამისათვის დაგვჭირდება, წყალი, მაგრამ წყალთან ერთად დაგვჭირდება ძმარიც. 1 ჭიქა ძმარი და 3 ჭიქა წყალი ავიღოთ. მარწყვი საწურში მოვათავსოთ. საწური უფრო მოზრდილ კონტეინერში ჩავდგათ. დავასხათ წყალი და 1 ჭიქა ძმარი. სასურველია, საწური ისე კარგად მოთავსდეს ჯამში, რომ სითხით სრულად დაიფაროს. მარწყვს რამდენიმე წუთი ხსნარში დავაყოვნებთ, შემდეგ გადავავლებთ გამდინარე წყალს და მარწყვი სრულიად სუფთაა და შესანახადაც ვარგისია, შედარებით მეტ ხანს.
შენი ქსელი: შენი ექიმი · შენი ამბები
