ადრე თეთრთავიან კომბოსტოს ბოსტნეულის მეფედ და ვიტამინებისა და მინერალების ერთადერთ შეუცვლელ წყაროდ მიიჩნევდნენ. მაგრამ დღეს უკვე გაირკვა, რომ არსებობს თითქმის 100 სახეობის კომბოსტო, რომლებიც გაცილებით სასარგებლოა, ვიდრე თეთრთავიანი: პეკინის, ბრიუსელის, წითელთავიანი, ბროკოლი, ფერადი კომბოსტო და სხვ. ამ სახეობებში ყველაზე გამორჩეულია კომბოსტოს ორი სახეობა – ბროკოლი და ყვავილოვანი კომბოსტო. ამ ორ ბოსტნეულს შორის უამრავი სხვაობაა, როგორც შემადგენლობაში, ისე, სასარგებლო თვისებებში, მომზადების წესებსა და ფერებშიც კი.
ბროკოლი თუ ყვავილოვანი კომბოსტო რომელი უფრო სასარგებლოა და ვისთვის?
ყვავილოვანი კომბოსტო ადვილი გადასამუშავებელია, ამიტომ საუკეთესო საკვებია მათთვის, ვისაც კუჭ-ნაწლავის დაავადებები აწუხებს; ფერხებს კანის ანთებითი პროცესების განვითარებას; აძლიერებს ნაღვლის გამოყოფას, უზრუნველყოფს ნაწლავის რეგულარულ დაცლას; თუ რეგულარულად ჩართავთ რაციონში, მინიმუმამდე დაიყვანთ სარძევე ჯირკვლისა და პროსტატის კიბოს განვითარების რისკს.
ბროკოლის რაც შეეხება განსაკუთრებით რეკომენდებულია მათთვის, ვისაც გულის უკმარისობა და ნერვული სისტემის დარღვევა აქვთ; დადებითად მოქმედებს სისხლის შემადგენლობაზე; ჰიპოალერგიულია; მიიჩნევა ერთ-ერთ საუკეთესო ანტისკლეროზულ საშუალებად; მის შემადგენლობაშია ფოლიუმის მჟავა და ამიტომ განსაკუთრებით სასარგებლოა ორსულთათვის; შეგიძლიათ, მიირთვათ უმად. განსაკუთრებით სასარგებლოა უზმოზე.
კომბოსტოს ორივე სახეობა იდეალურია ჭარბი წონის პრობლემის მოსაგვარებლად.
