სწორი კვების გარეშე ვარჯიში არა სრულფასოვანია. სავსე კუჭით ვარჯიში არ შეიძლება. საკვები, რომელიც რჩება კუჭში ვარჯიშის პერიოდში, დისკომფორტის შეგრძნებას იწვევს და შეუძლია გულისრევის და სპაზმების პროვოცირება.
კვება დამოკიდებულია ვარჯიშის ტიპზეც. იმ შემთხვევაში თუ თქვენი დილის ვარჯიში სწრაფ სიარულს ან მსუბუქ ძუნძულს მოიცავს, მაშინ მშიერ კუჭზე ვარჯიში პრობლემას არ წარმოადგენს. მხოლოდ სანამ სავარჯიშოდ წახვიდოდეთ აუცილებლად დალიეთ ერთი ჭიქა წყალი. უფრო მაღალინტენსიური ვარჯიშის და დატვირთვების შემთხვევაში კი კვება წინასწარ დაგეგმეთ.
თუ დილით ადრე გიწევთ ვარჯიში, უმჯობესია შედარებით ნაადრევად ადგეთ, რათა საკვების მიღება მოასწროთ. თუ ვერ ახერხებთ დროულად ადგომას და შედარებით მცირე დრო გრჩებათ ვარჯიშის დაწყებამდე, მაშინ რაც შეიძლება ადვილად მოსანელებელი საკვები ან სასმელი უნდა მიიღოთ ვარჯიშამდე 20-30 წუთით ადრე.
ულუფა უფრო მცირე და ადვილად ასათვისებელი უნდა იყოს. ასეთ დროს წვენები და თხევადი სახის საკვები უფრო უკეთესი გადაწყვეტილებაა, ვიდრე მყარი საკვები, რადგან ამ უკანასკნელის მოსანელებლად კუჭს უფრო მეტი დრო სჭირდება.
რეკომენდაციები შემეგი სახისაა:
მყარი რთულად მოსანელებელი საკვების ვარჯიშამდე 4 საათით ადრე მიიღება, მსუბუქი სახის წასახემსებელი საკვები ან ნახშირწყლებით მდიდარი ენერგეტიკული სასმელი ვარჯიშამდე 2-3 საათით ადრე, ხოლო თუ ვარჯიშამდე 1 საათი გრჩებათ უმჯობესია მიიღოთ სითხე (წვენები).
საკვები რომელიც შეიცავს დიდი რაოდენობით ცხიმს ან უჯრედისს, ნელა აითვისება და დიდი ხნით რჩება კუჭში. ამის გამო კუჭში სისხლის მიწოდება გაძლიერებულია, რამაც შეიძლება დისკომფორტი და სპაზმები გამოიწვიოს. ვარჯიშის წინ უმჯობესია მოერიდოთ ხორცის, ღვეზელების, შემწვარის, ჩიფსების და შოკოლადის ბატონების ჭამას.
თუმცა გაითვალისწინეთ, თითოეული ჩვენგანი განსხვავდება ერთმანეთისგან და ის რაც ერთისთვის შეიძლება კომფორტული იყოს, სხვისთვის პრობლემას ქმნიდეს, ამიტომ კვებისას ყურადღება მიაქციეთ საკუთარი ორგანიზმის რეაქციებს და ისე შეარჩიეთ პროდუქტები, რომლებიც უკეთ იმუშავებენ თქვენზე.
წყარო:https://fitni.ge/
