ჩიზქეიქი, ეს არის დესერტი, რომლის გაკეთებაც უამრავი იდეით შეიძლება. ამჯერად გთავაზობთ უმარტივეს მეთოდს, როგორ მოვამზადოთ ჩიზქეიქი ცხობის გარეშე სულ რამდენიმე ინგრედიენტით.
ინგრედიენტები:
ბაზისთვის:
- 1/2 ჭიქა ორცხობილის გრანუკები
- 1/2 ჭიქა გამდნარი კარაქი
- 2 ჩ/კ შაქარი
შიგთავსი:
- 2 ჭიქა ასათქვეფი ნაღები (მაღალპროცენტიანი)
- 600 გრ კრემ-ყველი (მაღალპროცენტიანი)
- 1 შეკვრა ვანილი
- 1 ჭიქა შაქრის ,,პუდრა”
- კენკრა
მომზადების მეთოდი:
პირველ რიგში ვამზადებთ ბაზას: დაფხვნილ ორცხობილას ვამატებთ შაქარს და გამდნარ კარაქს, კარგად ვურევთ და ვაბრტყელებთ ფორმაში. ვაჩერებთ მაცივარში მინიმუმ ნახევარი საათი.
შემდეგ შევუდგეთ შიგთავსის მომზადებას:
მიქსერის დახმარებით ავთქვიფოთ ნაღები სანამ არ მივიღებთ ფაფუკ, სქელ მასას. შემდეგ ცალკე ჯამში ვთქვეფთ კრემ ყველს, ვამატებთ შაქრის პუდრას და ვანილს და კარგად ვურევთ ერთმანეთში.
ბოლოს, მიქსერი გადავდოთ გვერდით და სილიკონის ან ხის ჯოხის დახმარებით ფრთხილად ვურევთ ერთმანეთში ნაღების და კრემ-ყველის მასას.
საბოლოოდ, მიღებულ კრემს ვათავსებთ ჩიზქეიქის ფორმაში და ვაჩერებთ მაცივარში მინიმუმ 5 საათი. უმჯობესია თუ დაელოდებით მთელი ღამე და დილით მიირთმევთ.
გემრიელად მიირთვით!
#drpkhakadze #gochadze #shenisupra
შენი ქსელი: შენი ექიმი · შენი ამბები
