ქინოა არ არის მარცვალი, არამედ მარცვლეულის მსგავსი თესლი, რომელიც სამხრეთ ამერიკიდან მოდუს. მას არა მხოლოდ გემრიელი თხილის გემო აქვს, არამედ ჯანსაღია. 1 ჭიქა ქინოა შეიცავს 8 გრამ ცილას. გარდა ამისა, ის საკვები ნივთიერებების კარგი წყაროა, როგორიცაა მანგანუმი, მაგნიუმი და სპილენძი. მისი მცირე რაოდენობით დამატებაც კი თქვენს რაციონში კარგი იქნება თქვენი ჯანმრთელობისთვის.
შეგიძლიათ სხვადასხვა ფერის ქინოა შეიძინოთ, როგორიცაა შავი, წითელი, თეთრი ან სამივეს ნაზავი, მაგრამ თითოეული ჯიში ერთნაირად მზადდება. მსუბუქ ჯიშებს ყველაზე რბილი არომატი აქვთ, ასე რომ, თუ პირველად უნდა მოამზადოთ, გირჩევთ დაიწყოთ თეთრით, სანამ წითელზე ან შავზე გადახვალთ.
ბოლო შენიშვნა მომზადებამდე: ქინოა დაფარულია ბუნებრივ წარმოშობის ინსექტიციდებით, სახელწოდებით საპონინებით. მათ შეუძლიათ მარცვლეულს მწარე გემო მისცენ და მონელება გაართულონ, ამიტომ ღუმელზე შედგომამდე დარწმუნდით, რომ ქინოა კარგად გარეცხეთ და გაწურეთ ბადისებრ საწურში. ამის შემდეგ კი მზად ხართ მის მოსამზადებლად.
როგორ მოვამზადოთ ქინოა
ყველაფერი რაც თქვენ გჭირდებათ ეს არის ქინოა და წყალი. თუ გადახედავთ ქინოას მომზადების სხვადასხვა მეთოდს, აღმოაჩენთ წყლის პროპორციების მთელ რიგს. ზოგიერთი რეცეპტი მოითხოვს 2:1 წყლის მარცვლის თანაფარდობას, ზოგი კი 1 1/2:1. ჩვენ გასწავლით მსუბუქი, ფუმფულა ქინოას მომზადებას, შუაში დარჩენილი ტკბილი ადგილით. გამოიყენეთ 1 3/4 ჭიქა წყალი ყოველ ფინჯან ქინოაზე. თუ მეტ წყალს დაამატებთ ქინოა დარბილდება, ხოლო თუ ნაკლებს იქნება ძალაინ მშრალი.
შემდეგ კი მიჰყევით ამ მარტივ ნაბიჯებს:
საშუალო ქვაბში შეურიეთ ქინოა და წყალი. მიიყვანეთ ადუღებამდე, დაახურეთ თავსახური და შეამცირეთ ცეცხლი. ხარშეთ 15 წუთის განმავლობაში.
გადმოდგით ქვაბი ცეცხლიდან და გააჩერეთ თავდახურული კიდევ 10 წუთი. შემდეგ, მოხადეთ თავსახური.
ახლა თქვენი ქინოა ფუმფულა სრულყოფილებამდეა მოხარშული, მაგრამ ის თავისთავად უბრალოა. მოაყარეთ ცოტა მარილი, პილპილი, ლიმონის ან ლაიმის წვენი და ზეითუნის ზეთი. კიდევ ერთი დონის გასაუმჯობესებლად, შეურიეთ დაჭრილი მწვანილი, დაქუცმაცებული ნიორი, მოხალული თხილი ან დამსხვრეული ფეტა ყველი. გემრიელად მიირთვით.
მასალის გამოყენების პირობები
